VOV4.K’ho- Pơrjum Lơh sa cau dùl nă să is Việt Nam 2019 mờ tơngume “ Bơtàu tơnguh lơh sa dùl nă să is Việt Nam gơ gơs dùl bơta pràn kuơ màng bơh rài lơh sa tàm drà kă bro dê wèt tus xã hội chủ nghĩa” geh Chính phủ mờ Ban Kinh tế dà lơgar đơng lam bal bơyai lơh tàm ngai 2 mờ 3/5 tus do tàm Hà Nội.

 Pơrjum Lơh sa cau dùl nă să is Việt Nam 2019 geh bal pơrjum tơrgùm bơh Thủ tướng Chính phủ, Kuang atbồ Ban Kinh tế dà lơgar bal mờ kuang đơng lam bồ Quốc hội đơng lam bal, bal mờ kuang đơng lam bồ ală ban, bộ, gah sơnah lơh broă mờ ală tiah tus bal cribơyai, iăt kơno jơnau đơs tàm bơyai, cribơyai mờ 2.500 nă cau lơh sa kă bro is jat nùs nhơm ring bal loh làng cribơyai mờ lơh broă bal nàng pơgồp bơceh bơsong ală bơta kơryan, kòl yan ai broă bơtàu tơnguh lơh sa is ngan ngồn gơ gơs dùl bơta pràn kuơ màng bơh rài lơh sa dê.

Bal mờ hơ\, Pơrjum geh 6 pơrjum tơngume, tơrgùm tàm ală tơngume kuơ màng, pơgồp bơnah lơh geh bơnah bơtàu tơnguh nisơna bè lơh sa- mpồl bơtìan bơh lơgar he dê.

Cau mblàng K’ Hạnh