VOV4.K’ho – Tàm thị trấn Liên Nghĩa, kơnhoàl ĐứcTrọng, càr Lâm Đồng, Thủ tướng Nguyễn Xuân Phúc còp broă lơh tam biap ờ do ờ dă bơh Kong ti TNHH lơh sa – kă bro Phong Thuý. Thủ tướng sồr kuang đơng lam kong ti pơn jat tai bơtàu tơnguh ală cồng nha lơh geh, bơcri priă rề ơnàng broă lơh sa, bơt bơtàu mat kă bro mờ sơlơ bơtàu tơnguh drà kă bro. Bơh hơ\, dong cau ngui sa tàm lơgar git tus mat sơnđan phan lơh gơs bơh suơn sre Phong Thuý mờ geh ngui sa phan lơh gơs bơh suơn sre ờ do ờ dă, mơkung pơgồp bơnah sơlơ tơnguh rlau tai broă tac biap, kơnuh, plai chi ờ do ờ dă cèng mat kă bro Việt Nam tus hờ drà kă bro dunia.

 Ngai do, 30/7, Thủ tướng Nguyễn Xuân Phúc đơng lam pơrjum sơlơ bơcri priă tàm gah lơh sa suơn sre, mờ bơta tus bal bơh mờr 600 nă cau ala mat, geh kuang đơng lam Chính phủ, ală mpồl dunia mờ uă ngan mpồl lơh sa kă bro tàm càr mờ bơdĩh càr. Tàm pơrjum, Thủ tướng đơng lam tơn broă bơsong ală kòl yan, kal ke nàng sơlơ bơcri priă tàm gah lơh sa suơn sre, tàm hơ\ digơlan yal dùl Nghị quyết bơh Chính phủ dê bè broă sơlơ tơnguh rlau tai mpồl lơh sa kă bro bơcri priă tàm gah lơh sa suơn sre.

       Cau mblàng K’Duẩn