VOV4.K’ho- Tơnơ\ dơ\ lòt còp lơgar Rumani, bơh ngai òr 16 tus ngai hìng 18/4, ồng Nguyễn Xuân Phúc Thủ tướng Chính phủ Việt Nam mờ pơ ùr còp ngan ngồn lơgar Czech. Tàm bơnàng jă lơh broă bal niam bơne\ neh geh lài, dơ\ lòt còp geh lơh jrô ơnàng rlau tai bơta gi\t gơ\p lơh bơyô bal; lơh geh tai bơta gơn kơnờm pràn kơldang ngan ai lơh broă bal đah Việt Nam mờ Czech gơguh tus dùl cơnđoà pa, geh cồng nha, kơ\ kơl jăp, ndrờm pal mờ bơta geh bal mờ bơta pràn bơh tơl gah dê.

Dơ\ lòt còp kung là tu\ nàng 2 gah cribơyai ală broă lơh nàng lơh pràn lơh broă bal đah 2 lơgar tàm ală gah broă lơh, kuơmàng là bè lơh sa, kă bro, bơcri priă, bơto bơtê, ai cau lòt lơh broă hờ lơgar ndai…

Nam 2018, Việt Nam là cau lơh broă bal kă bro dờng dơ\ 36 tàm khà rlau 200 cau lơh broă bal bơh lơgar Czech dê. Kă bro đah 2 gah đah Việt Nam mờ Czech geh 307 tơlak dolar Mỹ tàm nam 2018. Tus tu\ do, neh geh 38 rơndăp broă lơh bơh lơgar Czech dê bơcri priă tàm lơgar Việt Nam, mờ kờp jơh priă bơcri tàm sră nggal là 90 tơlak dolar Mỹ.

Cau mblàng Lơ Mu K’Yến