VOV4.K’ho – Tàm Văn phòng Chính phủ, jat jơnau sồr bơh đah lơgar Mỹ dê, Thủ tướng Chính phủ, ồng Nguyễn Xuân Phúc neh geh dơ\ cribơyai tàm điện thoại mờ Kuang atbồ lơgar Mỹ, ồng Donald Trump. Tàm dơ\ cribơyai tàm điện thoại, ồng Donald Trump đơs niam pràn jak sơndră mờ kòp bơ tờp bơh lơgar Việt Nam dê mờ ưn ngài Việt Nam geh dong kờl mờ pơndiang phan lơh sơ nơm kung bè pà chèu glòm muh mat ai đah lơgar Mỹ in.

Kuang atbồ lơgar Mỹ yal, rơcang pà Việt Nam in ờ ua\ ma\i tă nhơm nàng dong kờl sơm cau kòp Covid-19; mơkung sồr 2 lơgar pơn jat tai lơh broă bal jơh nùs rlau tai tàm broă rơcang sơndră kòp bơ tờp. 2 nă kuang đơng lam bồ ring bal geh chồl pràn rlau tai git gơp lơh sa – kă bro, pơn jat tai pờ mpồng drà kă bro ai phan bơna bơh tơl lơgar dê tàm tơngai tus.

Bàr nă kuang đơng lam bồ cribơyai bè ală broă lơh nàng lam git gơp tơl làm bơtàu tơnguh, ngan là tàm dơ\ tơngkah kir sơnrai 25 nam ngai crơng gơs git gơp lơh broă bal, bơh hơ\ tă pơgồp ngan ngồn ai ring lơngai, kơ\ kơljap, lơh broă bal mờ bơtàu tơnguh tàm tiah do.

Cau mblàng K’Duẩn