VOV4.K’ho-Mho ngai 14/1, tàm Dak Nông, Thủ tướng Nguyễn Xuân Phúc tus bal Pơrjum Hòi jà bơcri priă càr Dak Nông nam 2019. Do là tiah bơh sơnrờp mờ Thủ tướng tus bal Pơrjum hòi jà bơcri priă tàm nam do bal mờ bơta kơ\p kờ` gơhòi gơ jà uă cau bơcri priă dờng tus mờ Dak Nông mờ Tây Nguyên.

Tam pà bal mờ ală bơta kal ke gam gơtìp bơh Tây Nguyên dê, mơya Thủ tướng đơs là, bơta pràn bơtàu tơnguh bơh Dak Nông là uă ngan. Den tàng bè hơ\, Dak Nông pal sang te\ bơta bàs sìl kal ke halà ờ bơtàu tơnguh nàng bơh hơ\ geh dùl bồ tơngoh kơlôi sơnơng, bơta gơ dan pràn kơldang tàm bơcri priă bơtàu tơnguh.

Dak Nông là càr ơm tàm tiah lồi đah jum mat tơngai mu\t Tây Nguyên dê, bềng bơta pràn bơtàu tơnguh nhơl chờ bal mờ ù tiah [òn lơgar lơh gơkờ` ngan nùs nhơm cau dê, bè tơnau dà Ea Snô; ală rơgồng Chư Bluk mờ rơgồng bơnơm ồs jòng ngan rlau jơh tiah đah jum mat tơngai lik châu Á dê; Brê dà lơgar Tà Đùng geh đơs pơnyơu bè Vịnh Hạ Long Tây Nguyên dê.

Dak Nông gam geh bơta pràn bơtàu tơnguh lơh sa mờ măy mok jòi phan kuơ tàm ù, lơh broă sa sươn sre ngui công nghệ cao gơ jat bal mờ lơh sa mờ măy mok lơh gơlik phan lơh geh bơh sươn sre, brê bơnơm, tàm hơ\ lơh sa mờ măy mok jòi phan kuơ tàm ù là bơta pràn pơnrơ ngan.

Bulah bè hơ\, Dak Nông ờ hềt wơl gơ gơs là dùl tiah tus bơcri priă lơh gơkờ` cau. Càr gam geh bơta kal ke bè phan bơna, tàm tu\ lơh sa gam dềt rah rài, ờ tơl cau lơh broă geh bồ tơngoh jak.

Mò Nguyễn Thị Thanh Huyền, Kuang atbồ dờng Công ty TNHH Bơtàu tơnguh Lơh broă sa sươn sre Rài kis tơlir TIT pà gi\t, Dak Nông mờ Tây Nguyên là tiah bơcri priă dờng màng bè lơh broă sa sươn sre công nghệ cao bơh công ty dê.

Mơya, tàm Dak Nông rơ\p pa geh pơgăp 7 rbô lồ chi sa plai, gùng dà lơh sa gam dềt rah rài. Den tàng bè hơ\, công ty kơ\p kờ` ngui jak chài măy mok pa rài do bơcri priă bơtàu tơnguh ală sươn lồ dờng, cồng nha lơh geh uă ală bơta plai chi geh bơta pràn mờ drà kă bro geh jơnau kờ`, bè [ơ, măng cụt, plai màk, prìt…

Bal mờ hơ\ là ngui măy mok lơh gơlik phan nàng tơnguh priă jền ai phan bơna in, gơ cèng wơl bơta kuơ ai jơh bal mpồl lơh sa kă bro mờ cau lơh broă sa in.

Bol a` kơ\p kờ` bơcri priă lơh hìu măy lơh gơlik phan niam tàm tiah tam phan, hơ\ là bơta pal jat lơh broă. Hơ\ là tơl tiah tam phan bol he pal bơcri priă lơh ală hìu măy lơh gơlik phan niam nàng kờ` lơh geh tai priă jền gơguh tai, uă ngan rlau jơh tàm tu\ tơngai phan bơna dê.

Bol a` tơnơ\ do geh ală gùng dà broă lơh ngui công nghệ prăp gàr tơnơ\ mờ tu\ tơnhàu, bơcri priă blơi măy mok lơh gơlik phan niam rài pa tu\ do dê, bơcri priă blơi măy mok blockchain, ai gùng dà broă lơh jòi gi\t anih lơh gơlik tàm jơh ală broă, lơh pơlam anih lơh mờ điện tử ai ală phan bơna bơh tiah do dê.

Đơs tàm dơ\ pơrjum, Thủ tướng Nguyễn Xuân Phúc jờng rơ ală cau bơcri priă tus mờ Dak Nông, dùl càr ngài ngan mờ gam kal ke. Thủ tướng đơs niam ngan kuang bàng đơng lam bồ càr neh jòi gơlik ală bơta pràn bơtàu tơnguh nàng gơhòi gơ jà ală cau bơcri priă. Broă gơhòi gơ jà geh cau bơcri priă geh gơlik gơs kuơmàng ngan nàng tơngkah kir sơnrai 15 nam ngai crơng gơs càr Dak Nông.

Tàm dơ\ pơrjum do tơn, UBND càr Dak Nông jàu sră cơng tàng bơcri priă ai ală cau bơcri priă in mờ kờp jơh priă bơcri là 2.600 tơmàn; ală jơnau ring bal mờ sră nggal cih kah lơh broă bal bơcri priă geh priă jền mờr 47 rbô tơmàn.

Thủ tướng jờng rơ ală cau bơcri priă tàm gah broă lơh sa sươn sre công nghệ cao, tài bơh bơta pràn bơh Dak Nông dê là dờng ngan.

Bơta pràn lài ngan là lơh broă sa sươn sre. Ù tiah trồ tiah niam bè hơ\, uă bơta chi jo\ nam gơtùi tam uă, lơh geh phan uă. Bơ tàm do bơkah ngan, gơtùi tàm pơndrờm mờ bơta pràn ală càr ndai, geh bal Lâm Đồng mờ Dak Lak. Bơdìh hơ\ tai gam geh gar điều, gar tiêu, kau su, plai màk, tờm macca…

Gi\t nđờ jơ\t bơta tờm chi tam jo\ nam, chi sa plai gam geh tam uă tàm do. Ală oh mi gam đơs lơh sa sươn sre công nghệ cao ngui công nghệ 4.0. A` go\ công ty bơh Tập đoàn TIT dê đơs tus gùng dà do. Do là gùng dà kuơmàng ngan mờ Đảng, Dà lơgar jờng rơ ngan.

Thủ tướng Nguyễn Xuân Phúc tus bal Pơrjum Hòi jà bơcri priă càr Dak Nông nam 2019

Bơta pràn tai bơh Dak Nông dê mờ Thủ tướng đơs wih đơs wơl là bơtàu tơnguh nhơl chờ kơnờm tàm ù tiah nhơl chờ tiơng pơnrơ niam bơne\, uă phan bơna niam chài krơi is ngan bơh ală jơi bơtiàn kòn cau dê, tàm hơ\ geh cing mồng, phan bơna geh lơh bơh ồi yau…

Thủ tướng kung đơs niam bơta pràn bơtàu tơnguh lơh sa mờ măy mok lơh gơlik phan phan kuơ tàm ù tàm Dak Nông, tàm hơ\ khà bauxite là uă ngan. Sền bơh ală rơndăp broă lơh gam lơh gơcèng wơl cồng nha, Thủ tướng đơs là, do là gùng lòt kuơmàng ai bơta bơtàu tơnguh bơh Dak Nông dê in.

Thủ tướng jàu Bộ Công thương, Bộ Tài nguyên mờ Môi trường mờ càrin kơlôi sơnơng, lơh sră yal đơs bè cồng nha, gơrềng tus tiah ơm kis bơh ală rơndăp broă lơh lơh gơlik phan hơ\ dê nàng geh gùng dà bơcri priă bơtàu tơnguh tàm rài tơnơ\ do, jun yal mờ Thủ tướng Chính phủ in sền swì ki\.

Bal mờ hơ\, Thủ tướng kung sồr càr Dak Nông kung pal sền dờng màng bơtàu tơnguh tiah drà jat gùng dà tơlir, kloh, [òn lơgar, ngan là tu\ Dak Nông là càr dùl lơm tàm gùt lơgar ờ hềt geh [òn dờng, sền do là bơta gơdan bơtàu tơnguh gơ wèt tus mờ tiah do.

Nàng ngui niam bơta niam ù tiah brê bơnơm dờng ơning ơnàng, ală bơhiàn niam chài bơh 40 jơi bơtiàn kòn cau tàm Dak Nông, Thủ tướng sồr.

Jơh ală bol he pal lơh tơngkah wơl jơnau gơdan bơh bơta bơtàu tơnguh dê; pal sang te\ bơta bàs sìl kal ke halà ờ bơtàu tơnguh nàng bơh hơ\ bol he geh dùl bồ tơngoh kơlôi sơnơng, bơta gơkờ` pràn kơldang tàm bơcri priă bơtàu tơnguh. Ùr hàng H’Hen Niê, dùl nă ùr ơruh Tây Nguyên dê là ùr hàng Việt Nam mờ neh ơm tàm mpồl lam bồ bơh ùr hàng dunia dê.

Bol he geh gơnoar kơ\p kờ` Dak Nông gơ gơs là dùl càr pas gơs. Kuang bàng, đảng viên, ală anih lơh broă, cau bơcri priă kung pal lơh gơkờ`, bơtơl tai bơta gơdan ai bơta bơtàu tơnguh hơ\ in, brồ guh sơrlèt gan kal ke bơh sơnrờp ờ go\ [ươn, lơh gơlik wơl bơta pràn dờng ngan bơtàu tơnguh ală gah broă mờ bol he neh sền go\.

Thủ tướng sồr Dak Nông pal sang te\ bơta bàs sìl kal ke nàng bơtàu tơnguh  

Kờ` lơh geh bơta hơ\, Thủ tướng đơs là, Dak Nông pal bơsong niam sră nggal; pal sền cồng nha bơh cau bơcri priă dê là cồng nha bơh tiah he dê. Den tàng bè hơ\, càr pal geh dùl mpồl cau lơh broă mờng chài ngac ngar nàng dong kờl cau bơcri priă, tiah lơh sa kă bro bơh Dak Nông dê gơ gơs pơnrơ ngan nàng bơsir wơl tàm ală bơta ờ pràn ndai, bè phan bơna gùng lòt. 

Thủ tướng kung sồr Dak Nông lơh dùl gùng dà broă lơh gam là broă lơh bal bơh gùt plai ù dê, hơ\ là lơh pràn rài kă bro bơtàu tơnguh. Pal sang te\ bồ tơngoh kơlôi sơnơng lơh sa lơh is, sa is, lơh pràn lơh gơlik phan kă bro mờ lơh jat niam tàm jơh bal kấp độ là hợp tác xã, ală hìu bơnhă

Gơ wèt mờ cau bơcri priă, Thủ tướng sồr cau bơcri priă bơr đơs gơ lòt bal mờ broă lơh, lơh jat niam ală jơnau hơ pơrgon bơcri priă, ngui cau lơh broă tàm [òn lơgar; lơh jat jơnau đơs “kă bro geh cau, tăc geh mpồl” gơhòi gơ jà ală cau bơcri priă ndai bơcri priă bal tàm Dak Nông. Chính phủ mờ gơnoar atbồ càr Dak Nông sùm lơh ngan lơh tam gơl pa tiah lơh sa kă bro, sền gàr gơnoar mờ jơtài dipal mờ kơrnoat boh lam bơh cau bơcri priă dê, dong cau bơcri priă lơh sa geh cồng nha.

Tàm dơ\ pơrjum, 18 mpồl lơh sa kă bro kung neh yal dong kờl priă jền ai broă lơh sền gàr tơl niam rài kis mpồl bơtiàn tàm ù tiah càr Dak Nông in mờ dùl ròt ală broă lơh 15 nam crơng gơs càr mờ kờp jơh priă là mờr 53 tơmàn, tàm hơ\ ală mpồl lơh sa kă bro geh tă pơgồp uă bè TIT 5 tơmàn, FLC 2 tơmàn 700 tơlak, BIDV 1 tơmàn 300 tơlak…

Cau mblàng Lơ Mu K’Yến