VOV4.K’ho - Thủ tướng Nguyễn Xuân Phúc neh đơng lam dơ\ pơrjum mờ ală Bộ, gah lơh broă gơrềng bal, UBND [òn dờng Hồ Chí Minh kờ` cri bơyai bè broă bơsong jơnau yal yă bơh làng bol bè rơndăp broă lơh tiah drà Thủ Thiêm.

Ồng Nguyễn Xuân Phúc geh jơnau đơs du\t ndơl: Tàm broă lơh jăt rơndăp broă geh tìs bè atbồ ù tiah, ai rơndăp ù tiah, prăp gàr sră nggal, bơsong jơnau yal yă…. Kơnòl gơwèt mờ ală bộ, gah lơh broă gơrềng bal, lài jơh là gơnoar atbồ ală cấp tàm [òn dờng Hồ Chí Minh dê.

Ồng Nguyễn Xuân Phúc đơs loh: Pal bơsong di mờ adăt boh lam; broă lơi di den pơn jăt tai mblàng, lam sồr; broă lơi tìs den pal lơh niam wơl; broă bơsong pal bơyai lơh cri bơyai tơn loh làng mờ làng bol, ai geh nùs nhơm ring bal bè gùng dà broă bơsong; di lah geh tìs pal tơmù mờ geh gùng dà broă bơsong jơh tus mờ tơl broă.

Ồng Nguyễn Xuân Phúc jào Thanh tra Chính phủ sền wơl, lơh loh ală tơngu me jơnau yal yă yal khài bơh làng bol, ai geh broă bơsong di jăt mờ jơnau cih tàm adăt boh lam; yal mờ Thủ tướng Chính phủ lài mờ ngai 15 nhai 7 tus.

Cau mblàng Ndong Brawl