VOV4.K’ho- Tàm dơ\ pơrjum Mpồl duh broă Tàm pơrlòng mờ Jờng rơ Dà lơgar dê geh lơh tàm mho ngai òr 11/7, ồng Nguyễn Xuân Phúc, Thủ tướng Chính phủ sồr pal geh ală srơh tàm pơrlòng gơhòi gơ jà uă bơta tus bal bơh ală rơnàng làng bol dê, gơrề uă ală jơnau niam, mơkung pal gơ jat bal mờ broă bơsong ală broă dờng, broă ờ suk mờ broă jal mhar kờ` ngan bơh mpồl bơtiàn dê.

Thủ tướng đơs, broă lơh tàm pơrlòng mờ jờng rơ tàm tơngai rềp ndo bơh ală dơ\ lam sồr, srơh lơh broă loh làng gơ jat bal mờ broă lơh jat kơnòl broă bơh tơl mpồl mờ bơh tơl nă cau dùl nă să is dê neh pơgồp bơnah kuơmàng tàm cồng nha lơh geh bal tàm bơtàu tơnguh lơh sa- mpồl bơtiàn bơh dà lơgar dê.

Thủ tướng đơs là, neh sền dờng màng rlau broă jờng rơ mpồl cau, cau dùl nă să is geh cồng nha broă lơh nisơna, cau să tờm lơh broă, lơh sa. Bal mờ ală cồng nha lơh geh, Thủ tướng kung yal bàr pe bơta ờ pràn jak pal tơrgùm bơsong.

Thủ tướng sồr: Tàm dơ\ tàm pơrlòng mờ jờng rơ pal tơrgùm bơsong ală jơnau gam gơkòl ờ pràn jak bè atbồ mờ đơng lam mờ pal gơ jat bal mờ broă bơsong ală broă dờng, broă ờ suk, broă jal mhar kờ` ngan bơh mpồl bơtiàn dê, mơkung jờng rơ ală broă lơh niam, bơceh niam drơng broă jơh nùs jơh tồr làng bol mờ mpồl lơh sa kă bro.

Cau mblàng Lơ Mu K’Yến