VOV4.K’ho- Drim ngai 16/9, tàm hìu lơh broă Chính phủ, Thủ tướng Chính phủ ồng Phạm Minh Chính đơng lam Pơrjum bơh Chính phủ dê bè broă lơh bơt bơtàu mờ lơh sir thể chế. Pơrjum geh lơh jat broă lơh pờ tơn tàm internet bơh hìu lơh broă Chính phủ mờ 63 càr, ƀòn dờng tàm gùt lơgar.

Đơs mut pơrjum, Thủ tướng Phạm Minh Chính pà git, tơnơ̆ tŭ pồ tơl Chính phủ tơngai lơh broă bơh nam 2021 tus nam 2026, Chính phủ, Thủ tướng Chính phủ neh sồr ală gah ală broă lơh, ală kấp sơn đờm mơ tàm broă bơt bơtàu mờ lơh sir thể chế, tàm hơ̆ jàu cau atbồ kong kơnòl đơng lam, gròi sền, chul chồl tơn broă lơh bơt bơtàu, lơh sir thể chế.

Thủ tướng sồr, ală bộ, gah broă lơh, ală tiah lời tŭ tơngai kờp sền wơl, tơrgùm wơl ală bơta lơi gam kòl yal, ală broă lơi kờñ pal yal. Thủ tướng đơs loh, do là broă kuơmàng ngan, pal ring bal jơnau đơs, jơnau sền sơwì, ring bal đal git jơnau kờñ, kơnòl broă, jơnau sồr, sền sơ wì bơta ờ niam, jòi git jơnau bơh tài gơlik geh, ngan là jơnau gơtùi git lài nàng bơsong.

Cau mblàng K’Duẩn