VOV4.K’ho- Tàm Hìu duh broă Chính phủ dê, ồng Nguyễn Xuân Phúc, Thủ tướng Chính phủ neh đơng lam dơ\ lơh broă bè broă lơh bơyai lơh Pơrjum dờng Vesak Liên hợp quốc nam 2019.

Do là dơ\ 3 Việt Nam bơyai lơh pơrjum do tơnơ\ 2 dơ\ drơng lơh geh cồng nha tàm ală nam 2008 mờ 2014 neh lời wơl jơnau kah niam bơne\ ngan tàm nùs nhơm gơ\p bơyô dunia bè rùp să dà lơgar, kòn bơnus, bơta niam chài mờ rài kis jat yàng tàm lơgar Việt Nam.

Pơrjum dờng Vesak 2019 rơcang lơh tàm càr Hà Nam bơh ngai 12-14/5/2019 bal mờ tơngume “Gùng dà tus mờ Yàng Phờk bè bơta đơng lam gùt plai ù mờ kơnòl tam pà bal tài mpồl bơtiàn kơ\ kơl jăp”.

Digơlan geh pơgăp 1.500 nă kuang bàng, năc dunia tus bơh rlau 90 lơgar mờ kơnhoàl ù tiah, 10 rbô nă cau ala mat tàm lơgar mờ cau jat yàng Phờk geh tus bal Pơrjum. Tơnơ\ tu\ iat jơnau đơs bơh ală kuang bàng dê, ồng Nguyễn Xuân Phúc, Thủ tướng Chính phủ đơs sùm gơnoar broă kuơmàng bơh pơrjum gơcèng bơngă dunia do dê; mơkung đơs sùm Việt Nam sền dờng màng, gàr niam khat gơboh pin dờn, jat yàng.

Cau mblàng Lơ Mu K’Yến