Thủ tướng đơng lam pơrjum Chính phủ sơnrờp ngan tơnơ̆ mờ tŭ geh pồ tơl kuang bàng
Thứ sáu, 08:12, 16/04/2021
VOV4.K’ho - Drim òr (15/04), tàm hìu lơh broă Chính phủ, Thủ tướng ồng Phạm Minh Chính đơng lam pơrjum Chính phủ sơnrờp ngan tơnơ̆ mờ tŭ geh pồ tơl kuang bàng tàm pơrjum dơ̆ 11 Quốc hội khoă 14 nàng cri bơyai bè broă jào kơnòl tơnơ̆ mờ tŭ Chính phủ geh pồ tơl kuang bàng, nùs nhơm gùng dà broă đơng lam mờ ờ uă tơngu me tờm pal tơrgùm đơng lam lơh jăt mờ lơh jăt broă bơh Chính phủ tàm tơngai tus.
Đơs tàm dơ̆ sơn đờm pơrjum, Thủ tướng ồng Phạm Minh Chính đơs tờm, do là pơrjum sơnrờp ngan bơh Chính phủ tơnơ̆ mờ tŭ geh pồ tơl, geh kuơ màng ngan. Thủ tướng ồng Phạm Minh Chính đơs loh nùs nhơm broă lơh Chính phủ dê tơnơ̆ mờ tŭ geh pồ tơl pal at tê lơh broă mơ; tơrgùm bơsong jơh ală broă gam gơlời mờ lơh broă pràn, mhar ngan, ai geh ală gùng dà broă lơh mùl màl, geh cồng nha nàng lơh jăt mơ tàm tơl gah, mpồl lơh broă.
Cau mblàng Ndong Brawl
Viết bình luận