VOV4.K’ho – Drim ngai 15/5, tàm hìu lơh broă Chính phủ, Thủ tướng Nguyễn Xuân Phúc neh đơng lam dơ\ pơrjum pờ tơlik tơn tàm internet Thường trực Chính phủ, cribơyai broă lơh pơn jat tai rơcang sơndră kòp Covid-19.

Tàm dơ\ pơrjum, Thủ tướng sồr ală kuang geh jơng Thường trực Chính phủ cribơyai bè broă cau Việt Nam bơh lơgar ndai rê wơl hờ lơgar mờ git go\ ua\ cau bơ tờp kòp Covid-19, tàm hơ\, pa do neh git go\ 17 nă cau bơ tờp SARS-CoV2 bơh UAE rê wơl, 24 nă cau bơ tờp kòp rê bơh lơgar Nga. Den tàng Thủ tướng đơs là, pal geh broă lơh ờ mìng lơh jat gùng dà broă lơh niam dong kờl cau bơh Đảng mờ dà lơgar dê mờ gam kơryan geh cồng nha ală cau bơ tờp kòp pa rê bơh lơgar ndai, di mờ bơta geh ngan tàm lơgar.

Đơs nền Chính phủ lơh ngan đơng pơlam nàng lam lơh jơnau kờ` bơtàu tơnguh tàm khà jơnhua ngan rlau jơh mờ ờ lơh aniai tus rài lơh sa, Thủ tướng sồr ală Bộ, Gah broă lơh, ală tiah rơcang ală bơta nàng dờp khà pria\ bơcri pa mut tàm lơgar he. Den tàng, Thủ tướng đơs là, pal cribơyai, kơlôi sơnơng, ai tơlik jơnau sồr ai Mpồl đơng lam in bè rơcang sơndră kòp mờ bơtàu tơnguh wơl rài lơh sa.

Cau mblàng K’Duẩn