VOV4.K’ho- Drim ngai 15/8, ồng Phạm Minh Chính- Thủ tướng Chính phủ đơng lam pơrjum pờ tơlik tơn tàm internet sền wơl bè broă lơh rơcăng sơndră kòp Covid-19 mờ ală càr, ƀòn dờng gam lơh jăt jơnau sồr ơm yah ngài jăt Chỉ thị sồ 16 bơh Thủ tướng Chính phủ dê mờ lam lơh jăt Kơrnoat sồ 86 bơh Chính phủ dê bè ală broă lơh jal mhar rơcăng sơndră kòp Covid-19.

Dơ̆ pơrjum

Đơs pơndŭt dơ̆ pơrjum, ồng Phạm Minh Chính đơs sùm, tơngai lài, broă lơh jăt Chỉ thị sồ 16 bơh Thủ tướng Chính phủ dê, ală càr, ƀòn dờng neh lơh geh cồng nha niam ngan, lơh geh jơnau kờñ neh ai tơlik. Thủ tướng đơs loh, broă gam gơlik geh kal ke, geh tiah kơn jơ̆ ngan. Nùs nhơm kung gam sơl là “tam dră mờ kòp bè tam dră mờ bol sò tơm sơl”, hòi tơrgùm jơh ală anih lơh broă chính trị, jơh gùt làng bol tus bal tam dră mờ kòp.

Thủ tướng đơs sùm, ngan ngồn pal cĭt ờ sa priă vaccine ai jơh gùt làng bol in. Bộ Y tế là anih lơh broă ătbồ dà lơgar kong kơnòl bè sền swì bơta niam, lơh sră ai gơnoar, prăp gàr; ờ bơyai cĭt sa priă, cau lơi cĭt sa priă pal lơh glài tơn. Ală càr, ƀòn dờng gam lơh jăt Chỉ thị sồ 16 pal ai lài ai tam dră mờ kòp in, tiah lơi ờdo ờdă den pal lơh sa bơtàu tơnguh lơh sa.

Cau mblàng Lơ Mu K’Yến