VOV4.K’ho- Di dơ\ tơngkah kir sơnrai 64 nam Ngai Cau lơh sơnơm Việt Nam, ồng Nguyễn Xuân Phúc, Thủ tướng Chính phủ lòt còp, pơndờm pơnđiang mờ pơn jờng cau lơh sơnơm, cau kòp tàm Hìu sơnơm Bạch Mai, tus bal dơ\ lam lơh srơh tàm pơrlòng kờ` gơboh dà lơgar mờ dờp rò ală phan jờng kuơmàng bơh Dà lơgar dê.

Đơs tàm dơ\ bơyai lơh, di Ngai cau lơh sơnơm Việt Nam, Thủ tướng pơyua jơnau còp să mờ jơnau nting săp kơ\p kờ` niam bơne\ ngan rlau jơh tus mờ ală rơnàng cau giáo sư, bác sĩ, cau lơh broă gah lơh sơnơm, kuang bàng, viên chức Hìu sơnơm Bạch Mai mờ jơh gùt gah lơh sơnơm.

Thủ tướng đơs, gah lơh sơnơm lơgar he neh dờng pràn bè jơh ală bơta, geh bal bè ală anih lơh sơnơm mờ mpồl kuang bàng, cau lơh sơnơm. Cồng nha kham sơm kòp sùm geh tơnguh tai, lơh geh uă cồng nha dờng ngan tàm broă sền gàr mờ sền gròi pràn kơldang să jan làng bol in.

Thủ tướng sồr ală kấp, ală gah mờ jơh gùt mpồl bơtiàn pal geh bơta sền swì dipal, jờng rơ dà kơlhề, bơta phi să ngềt ngơ\t bơh mpồl cau bác sĩ, cau lơh broă gah lơh sơnơm dê. Kờp sền broă dong kờl dipal ai ală cau lơh broă kuơmàng do in. Sền gròi tề lam, bơto bơtê tơnguh uă bồ tơngoh jak chài tàm broă lơh, ngui niam bơta jak, bồ tơngoh jak bơh mpồl cau lơh sơnơm dê.

Cau mblàng Lơ Mu K’Yến