VOV4.K’ho - Drim òr (23/4), tàm Văn phòng Chính phủ, Mpồl đơng lam dà lơgar bè tơrgùm bal mờ dunia bơyai lơh pơrjum pờ tơl^k tơn tàm internet gùt lơgar mờ tơngu me “Tơnguh broă tơrgùm bal mờ dunia rơcang lài, bơceh pa, geh cồng nha tài tơnguh bơtàu mhar mờ kơl jăp”.

Tàm pơrjum, Thủ tướng ồng Nguyễn Xuân Phúc sồr: Kờ` di pal mờ broă kờ` geh nùs nhơm jăt kơrnoăt boh lam bơh broă tơrgùm bal tàm rài pa, pal lơh jăt 3 broă lơh là: tơnguh bơta pràn, tơl ală bơta mờ uă rơlao, tam gơl bơceh pa mờ geh cồng nha.

Lài jơh, tơnguh bơta pràn g^t jơnau, bồ tơngoh ngăc ngar bè tơrgùm bal jăt nùs nhơm rơcang lài pơgồp bal, tus bal tàm broă bơ\t bơtàu, ai geh ală cơ chế uă gùng dà bal mờ bơta niam chính trị, lơh sa dunia, bơh tu\ hơ\ tơnguh bơngă dunia, gơnoar kuơ màng bơh lơgar Việt Nam.

He pal tơrgùm bal mờ dunia tơl ală bơta mờ uă kờ` tơnguh uă ngan bơta pràn bơh dơlam, hòi jà bal mờ ngui geh cồng nha bơta pràn bơh bơdìh, pơgồp bal nền nòn mờ chồl pràn broă tơnguh uă bơta pràn tơrgùm bal, bơta pràn tàm pơrlòng, tam gơl bơceh pa mờ broă gơdờp bơh dà lơgar dê.

Cau mblàng Ndong Brawl