VOV4.K’ho- Dờp jơnau jà bơh Chủ tịch, Kuang atbồ đơng pơlam Tập đoàn Nikkei ồng Tsuyoshi Hasebe, Thủ tướng Chính phủ ồng Phạm Minh Chính geh tus bal Pơrjum dunia bè  ‘Tơngai tơnơ̆ do châu Á” dơ̆ 26 bơh Nikkei bơyai lơh jat broă lơh pờ tơlik tơn tàm internet bơh ngai 20 tus ngai 21/5 do.

Geh lơh ndrờm geh pah nam bơh nam 1995 (ờ kờp nam 2020 tài gơ rềng bơh kòp Covid-19), Pơrjum là dùl cribơyai dunia geh bơngă pin dờn, tơrgùm uă kuang đơng lam bồ chính trị, lơh sa mờ cau kơlôi sơnơng tus bơh làm ù tiah châu Á- Thái Bình Dương yal jơnau đơs bè ală broă tàm tiah do mờ gơnoar broă bơh châu Á dê tàm dunia.

Mờ tơngume “Đal git lài rùp să tơngai tơnơ̆ kòp Covid-19: Gơnoar broă bơh châu Á dê tàm broă bơtàu tơnguh wơl gùt plai ù”, Pơrjum dơ̆ do geh bơta tus bal bơh uă kuang đơng lam bồ tàm châu Á. Tàm pơrjum, ală kuang đơng lam bồ mờ cau jak chài kờp dŭ geh cribơyai bè broă châu Á digơlan mut tàm rài pa bè lơi tàm tơngai bềng kal ke bè tŭ do.

Cau mblàng K’Duẩn