VOV4.K’ho- Dờp jơnau jà bơh Kuang atbồ lơgar Azerbaijan ồng Ilham Aliyev, Chủ tịch gam at gơnoar broă Srơh ală lơgar ờ tơr gùm bal, mang òr 4/5 jat jiơ Việt Nam dê, Thủ tướng Nguyễn Xuân Phúc neh tus bal Pơrjum kuang bàng dờng màng pờ tơn tam internet Srơh ală lơgar ờ tơr gùm bal mờ tơngume “Tam klăc bal sơn dră kòp dờng Covid-19”.

      Thủ tướng Nguyễn Xuân Phúc tus bal pơrjum Kuang bàng dờng màng pờ tơn tam interner Srơh ală lơgar ờ tơr gùm bal

Đơs tàm dơ\ pơrjum, Thủ tướng Chính phủ Nguyễn Xuân Phúc đơs là, tơngai tus Srơh ală lơgar ờ tơr gùm bal pal pơn jat tai dong kờl sơlơ tơnguh chủ nghĩa uă lơgar, tam klăc bal dunia mờ jơh nùs lơh jat ală jơnau hơ pơr gon uă lơgar tờm ngan.

Pơn du\t pơrjum, ală lơgar tàm mpồl Srơh ală lơgar ờ tơr gùm bal ring bal Jơnau yal bơr bal mờ tơngume tờm dùl nùs bal bơh Srơh ală lơgar ờ tơr gùm bal dê gơ wèt mờ chủ nghĩa uă lơgar, gơnoar broă bơh ală mpồl dunia dê đơs bal mờ Liên hợp quốc, mpồl lơh sơnơm dunia (WHO) đơs is, mơkung dùl nùs ring bal crơng gơs mpồl Drơng broă kơnòl broă ală lơgar ờ tơr gùm bal nàng bơt bơtàu ală dữ liệu bal bơh ală lơgar tàm mpồl Srơh ală lơgar ờ tơr gùm bal tàm broă rcang sơn dră kòp dờng.

Cau mblàng K’ Hạnh