VOV4.K’ho- Ồng Phạm Minh Chính – Thủ tướng Chính phủ đơng lam pơrjum pờ tơlik tơn tàm internet bơh Thường trực Chính phủ dê mờ ƀòn dờng Hồ Chí Minh mờ ală càr Bình Dương, Đồng Nai, Long An bè broă lơh rcang sơndră kòp Covid-19, tàm tơngai bơta kòp tàm ƀòn dờng Hồ Chí Minh kung gam gơlik geh kal ke ngan.

Thủ tướng Chính phủ ồng Phạm Minh Chính đơng lam pơrjum pờ tơlik tơn tàm internet mờ ƀòn dờng Hồ Chí Minh mờ ală càr Bình Dương, Đồng Nai, Long An bè broă lơh rcang sơndră kòp

Tàm dơ̆ pơrjum, Thường trực Chính phủ mờ Kuang đơng lam bồ ƀòn dờng Hồ Chí Minh ring bal lơh jat niam rlau tai, ngan ngồn rlau tai Chỉ thị sồ 16, ngui bàr pe broă lơh pràn rlau tai, kràñ cê jơh nùs rlau tai mờ geh cồng nha rlau tai nàng kơryan mờ kơryan kòp jat jơnau đơs “tơl xã, sơnah ƀòn là dùl anih” rcang sơndră kòp. Lơh jat broă ơm yah ngài niam nàng kơryan bơta bơtờp, tơrmù ƀà ală cau F0, tơrmù lơyah ngan rlau jơh khà cau chơ̆t. Geh bàr pe broă ờ niam, rài kis digơlan gơtìp kal ke rlau tai mơya tài bơta pràn kơl dang să jan mờ bơta ờdo ờdă màng kis ai làng bol in nàng làng bol in dờp geh bơta ram mhŭ, kis chờ hờp. Thủ tướng đơs ngan, pal bơyai lơh xét nghiêm “sơr băc mhar” jat jơnau bơto pơlam bơh Bộ Y tế dê mờ ală broă lơh di pal, geh bal mờ broă tus tơn tàm hìu xét nghiệm, sac rơ wah cau F0 lik bơh mpồl bơtian.

Cau mblàng K’Hạnh