VOV4.K’ho – Ngai òr (3/1), tàm hìu lơh broă Tập đoàn nhơm zờu dà lơgar Việt Nam (PVN), Thủ tướng Nguyễn Xuân Phúc jàu kơrnuat ai Chủ tịch pa Hội đồng thành viên Tập đoàn nhơm zờu dà lơgar Việt Nam, ồng Trần Sỹ Thanh, lài do là Bí thư Tỉnh ủy Lạng Sơn.

Đơs tàm dơ\ jàu kơrnuat, Thủ tướng sồr Chủ tịch Tập đoàn mờ Tập đoàn pơn jat tai sền gàr, bơtàu tơnguh tam klac ringbal, sơr lèt gan tơl kal ke, đal git nùs nhơm geh kơnòl nàng lơh jơh kơnòl kơn jơ\ kơn jut mờ Đảng, dà lơgar jàu. Tàm hơ\, sồr lơh ală broă lơh mờ đơng pơlam bơtàu tơnguh PVN jat rơndap broă bơtàu tơnguh gah Nhơm zờu Việt Nam mờ Tập đoàn nhơm zờu dà lơgar Việt Nam tus nam 2025 mờ wèt tus nam 2030.

Thủ tướng sồr, sền gròi nền nòn ală bơta tàm dà lềng đah mattơngai lik, pơ gồp bal niam mờ ală anih lơh broă geh gơ rềng nàng lơh ală rơndap broă nhơm zờu tàm tiah ngài bơh gùng dà lềng Việt Nam dê, lơh niam kơnòl tă pơ gồp bơtàu tơnguh lơh sa mpồl bơtiàn, gơ jat bal mờ broă sền gàr ngap lơngai dà lơgar, sền gàr mờ đơs tờm gơ noar tờm dà lơgar dê.

                  Cau cih mờ yal tơnggit K’Duẩn