VOV4.K’ho- “Bơta tờm tàm jơnau đơs đơng lam bơh Chính phủ dê là pơn jat tai lơh tam gơl pa gùng dà broă lơh kơrnoat lơh sa, hồ tă pràn lơh broă, lơh geh bơta [ươn ngan rlau jơh ai jơh tơl nă làng bol in ngui jơh bơta pràn bơh he dê, tàm sơm băt tê bal bơ\t bơtàu mpồl bơtiàn, pas sơm, kơ\ kơl jăp, tàm nùs nhơm lơh niam wơl tiah kă bro, tơnguh uă pràn jak tàm pơrlòng”.

Ồng Nguyễn Xuân Phúc, Thủ tướng Chính phủ neh đơs uă bè hơ\ tàm Pơrjum gùt lơgar bè bơtàu tơnguh kơ\ kơl jăp, bơh Phòng Thương mại mờ Công nghiệp Việt Nam dê pơgồp bal mờ Ngân hàng Dunia pa bơyai lơh tàm Hà Nội.

Yal bè ală broă bơtàu tơnguh kơ\ kơl jăp, ồng Nguyễn Xuân Phúc, Thủ tướng Chính phủ đơs là, bơh gơguh lơh sa tus di kơ\ kơl jăp ờ go\ di [ươn [oài mìng là bơta tam gơl mat sơnđan lơm gời ờ, mờ gơ ơm prăp tàm hơ\ là jơh bal ală tơngume jrô ơnàng ngan gơlik bơh ală broă lơh tam gơl jơnau gi\t wă.

Jat Thủ tướng đơs, gơguh lơh sa, bè jơnau mờng gi\t ờs mờng bơh lài, đơs bè bơta gơguh tai priă lơh geh bơh làng bol gùt lơgar dê kờp bal tàm dùl nă cau. Mơya, gai was bè gơguh lơh sa bơh jo\ neh gơtìp đơs lah là geh uă bơta ờ hềt di.

Pơnyơu bè geh ală lơgar priă lơh geh kờp bal dùl nă cau ndrờm bal, mơya rài kis bơh làng bol ală lơgar do dê krơi is ngan. Uă lơgar lơh geh khà gơguh lơh sa kờp bal dùl nă cau uă ngan, mơya ờ go\ di là mpồl cau lơi tàm lơgar kung geh dờp geh bơta kuơ lơh geh bơh gơguh lơh sa dê.

Bơta geh ngan tam cah is đah cau r[ah mờ cau pas ngai sơlơ gơguh uă tai đah ală mpồl cau mờ đah ală [òn lơgar, là jơnau tờm lơh gơlik bơh jơnau gơjra` nùs mờ kal ke mpồl bơtiàn dê.

Nàng bơsong geh bơta ờ niam bơh gai was gơguh lơh sa dê, ồng Nguyễn Xuân Phúc pà gi\t, tàm Jơnau yal Bơtàu tơnguh kòn bơnus, Broă lơh Bơtàu tơnguh Liên hợp quốc- UNDP đơs uă “Jơnau kờ` dùl lơm là ai kòn bơnus tơmu\t tàm bơta tờm bơh ală broă lơh bơtàu tơnguh dê” mờ Khà kờp Bơtàu tơnguh kòn bơnus HDI geh bơh tu\ hơ\. Mơya, bồ tơngoh bơtàu tơnguh ờ go\ di là jơnau đơs neh lơh jơh ờ, mờ là dùl tu\ tơngai pơn jat tai lơh gơs.

“Tus tu\ do, Việt Nam kung gam sùm ờ tam gơl mờ gùng dà broă lơh bơtàu tơnguh lơh sa gơ lòt bal mờ sền gàr tiah ơm kis wèt tus jơnau kờ` uă ai bơtàu tơnguh kơ\ kơl jăp in.

Den tàng bè hơ\, 17 jơnau kờ` bơtàu tơnguh kơ\ kơl jăp bơh Liên hợp quốc dê ngan là bơta sơ`io gùng bè đah broă lơh nàng Việt Nam gi\t broă lơh lơh tam gơl pa bơh he dê pơgồp bal mờ ală jơnau kờ` bơtàu tơnguh kơ\ kơl jăp tàm ală broă rơndăp lơh lơh broă. Việt Nam don là geh lơh geh mờ geh tu\ lơh lơh geh sơrlèt lài ală jơnau kờ` bơtàu tơnguh kơ\ kơl jăp lài mờ nam 2030 bơh Liên hợp quốc dê”.

Dùl nùs bal mờ ală jơnau yal mờ jơnau dan, jơnau sồr bè bơtàu tơnguh kơ\ kơl jăp, ồng Nguyễn Xuân Phúc, Thủ tướng Chính phủ đơs uă: Bơtàu tơnguh kơ\ kơl jăp là jơnau kờ` geh jơh bal ờ mìng là kơnòl bơh dùl bộ, gah lơh broă, dùl gah broă lơh dê lơm gời ờ, ờ go\ di mìng là broă lơh sa, bơta niam gơguh lơh sa, mờ tàm hơ\ geh bal broă mpồl bơtiàn, tiah ơm kis, niam chài, kòn bơnus, pal ring bal tàm jơnau gi\t wa\ mờ broă lơh bơh jơh ală kấp, ală gah mờ jơh gùt mpồl bơtiàn dê.

Ồng Nguyễn Xuân Phúc, Thủ tướng Chính phủ đơs tàm dơ\ pơrjum

Thủ tướng đơs loh, jơnau sồr tam gơl pa gùng dà broă lơh kơrnoat lơh sa, hồ tă pràn lơh sa, lơh geh bơta [ươn ngan rlau jơh ai jơh tơl nă làng bol in ngui jơh bơta pràn he dê mờ tàm sơm băt tê bal bơ\t bơtàu dùl mpồl bơtiàn pas sơm, kơ\ kơl jăp. Bơta tờm bơh kơnòl broă do dê là lơh ngan lơh niam wơl tiah kă bro, tơnguh uă bơta pràn tam pơrlòng.

 Chính phủ geh ai tơl ală bơta [ươn nàng dong ală broă lơh bơceh pa, lơh gơs ală gùng dà broă lơh kơrnoat boh lam nàng hòi jà ală broă lơh kơlôi sơnơng, bơtàu tơnguh, đòm jat ngui bơta jak chài, bơto ngui măy mok, bơtàu tơnguh drà kă bro mờ kă bro phan bơna kơlôi sơnơng.

Hơ pơrgon sền gàr geh cồng nha gơnoar phan bơna jơtài mờ bồ tơngoh kơlôi sơnơng bơceh pa. Lơh gơs ală anih sơnđờm mu\t lơh broă kờ` bơ\t bơtàu, hòi jà mờ lơh jat ngan ngồn ală jơnau kơlôi sơnơng sơnđờm mu\t lơh broă, bơceh pa, kuơmàng là gơ wèt mờ ală rơnàng kơnòm să, kơnòm bơsram, cau bơsram dờng, ơruh pơnu [òn lơgar.

“Chính phủ hơ pơrgon ai tu\ tơngai bơsram ai jơh tơl nă làng bol in, hơ pơrgon ờ cau lời gơtìp lời sơrbì ơm wơl tơnơ\ tài bơh ờ geh tu\ bơsram pơn jat tai sền gròi rlau tai bơtàu tơnguh mpồl cau lơh broă geh broă lơh jak mờ cồng nha uă dờp te\ tu\ tơngai niam”.

Ồng Nguyễn Xuân Phúc, Thủ tướng Chính phủ kung sồr, ală Bộ, gah sơnah lơh broă mờ ală tiah pơn jat tai lơh jat dùl ròt bal ală broă lơh tơnguh uă cồng nha lơh geh, pràn jak tàm pơrlòng, cồng nha bơta pràn kòn bơnus mờ sơlơ tơnguh bơta pràn geh tam tìp mờ dơ\ kăc mạng công nghiệp dơ\ 4.

Bal mờ gơ\p lơh ngan lơh broă bal lơh gùng dà broă lơh kơrnoat pràn kơldang kơ\ kơl jăp, dùl rài lơh sa drà kă bro jat bơta pơlam gùng bơh xã hội chủ nghĩa bơtàu tơnguh, tiah kis niam bơne\, mpồl bơtiàn bơtàu tơnguh bơne\ bơnài bal, pas sơm!

Cau mblàng Lơ Mu K’Yến