VOV4.K’ho- Mho òr, 22/2, tàm xã Nghĩa Sơn, kơnhoàl Nghĩa Đàn, càr Nghệ An, Thủ tướng Nguyễn Xuân Phúc neh lam lơh dơ\ sa tềp tam chi sùm sùm kah ưn ngài Chủ tịch Hồ Chí Minh. Thủ tướng neh bal mờ kuang bàng đơng lam bàr pe bộ, gah sơnah lơh broă, kuang đơng lam bồ càr Nghệ An mờ làng bol tàm tiah do, tus bal tam 3.500 tờm chi tơlir.

Di dơ\ do, Tập đoàn TH neh jàu pà 21.000 chi dổi tơlir, dùl bơta chi kuơ màng ai 21 kơnhoàl, thị xã tàm càr Nghệ An in, nàng kờ` cèng wơl cồng nha lơh sa mờ pơn jờng làng bol sền gàr tiah ơm kis.

Đơs tàm dơ\ lam lơh, Thủ tướng đơs loh, tềng đap jơnau pơhìn bơh tam gơl trồ tiah den broă gơ hòi gơ jà bơcri priă bơtàu tơnguh lơh sa suơn sre công nghệ cao geh Chính phủ mờ Bộ, gah sơnah lơh broă pơn jờng, tàm hơ\ geh càr Nghệ An.

Di dơ\ do, Thủ tướng sồr sơrbac mhar bơtàu tơnguh lơh sa suơn sre công nghệ cao, lơh ngan tus nam 2020, gùt càr Nghệ An geh pơgap 7% bă ù lơh sa suơn sre geh ngui công nghệ cao; tus nam 2030, lơh ngan ai priă lơh geh bơh gah lơh sa suơn sre ngui công nghệ cao geh tus 50% kờp jơh priă lơh geh bơh broă lơh sa suơn sre bơh càr dê.

Cau mblàng K’ Hạnh