VOV4.K’ho- Mho mờ mang òr 15/11, Thủ tướng lơgar Anh mò Theresa May neh đơs tềng đăp Quốc hội lơgar Anh bè rơndăp broă cri bơyai lơgar Anh l^k bơdìh mpồl tam klăc châu Âu gam sơnđan là Brexit pa geh ring bal bơh lơgar Anh mờ mpồl tam klăc châu Âu mờ geh Chính phủ lơgar Anh ring bal ngai 14 nhai 11 lài do.

 Tàm Quốc hội, mò May neh sồr ală kuang bàng tàm Quốc hội bè bơta niam bơh rơndăp broă ring bal Brexit, mờ hòi jà Quốc hội lơgar Anh mhar ring bal jơnau ring bal do.

 Jăt mò May, ală kuang bàng Quốc hội lơgar Anh gam ngòt mờ broă lơgar Anh l^k bơdìh mpồl tam klăc châu Âu mờ ờ geh jơnau ring bal lơi ha là ờ geh Brexit di lah Quốc hội ờ ring bal rơndăp broă ring bal pa geh mờ mpồl tam klăc châu Âu.

Cau mblàng Ndong Brawl