VOV4.K’ho - Tơnơ̆ mờ tŭ Ủy viên Bộ Chính trị ồng Nguyễn Xuân Phúc geh Quốc hội pồ at gơnoar broă Chủ tịch lơgar Cộng hòa Xã hội chủ nghĩa Việt Nam, Thủ tướng Chính phủ lơgar Campuchia ồng Samdech Hun Sen neh pơyoa jơnau chờ gờm.

Thủ tướng ồng Hun sen tơlĭk nùs nhơm pin dờn là, tềng đăp mờ broă đơng lam bơh Chủ tịch lơgar ồng Nguyễn Xuân Phúc, lơgar Việt Nam geh lơh geh uă broă tơnguh bơtàu rơlao tai bè broă lơh sa mờ mpồl bơtiàn, lơh jăt jơnau kờñ gơs lơgar tơnguh bơtàu tàm nam 2045 mờ pơn jăt tai pơgồp gơnoar pràn tàm tiah do mờ tàm dunia.

Thủ tướng ồng Hun Sen hơ geh pơn jăt tai pơgồp bal broă lơh nền nòn mờ Thủ tướng pơn jăt tai nàng tơnguh broă lơh bal jŏ jòng, tàm nùs nhơm rềp bal niam, tam klăc bal, gĭt wă bal mờ lơh broă bal tài bơta kuơ bal, kuơ màng sơrlèt mờ bơta tơlòng bơh kòp Covid-19 tŭ do.

Cau mblàng Ndong Brawl