VOV4.K’ho- Dờp jơnau jà bơh Thủ tướng Cíñ phủ Việt Nam ồng Phạm Minh Chính dê, Mpồl kwang bàng dờng màng lơgar Lào bơh Thủ tướng Lào ồng Phankham Viphavanh lam bồ còp ngan ngồn lơgar Việt Nam bơh ngai 08 tus ngai 10/01, mờ đơng lam bal dơ̆ pơrjum dơ̆ 44 bơh Ủy ƀan 2 Cíñ phủ Việt Nam mờ Lào mờ lam lơh Nam tam klac lơh bơyô Việt Nam- Lào, Lào- Việt Nam nam 2022.

Dơ̆ lòt còp đơs nền nùs nhơm tam klac bal, rềp mềr, pin dờn lài bè tơnơ̆ ờ tam gơl bơh 2 Đảng, 2 dà lơgar mờ làng bol 2 lơgar dê. Nam 2022 là nam geh gơtha kuơmàng ngan tàm git gơp lơh broă bal Việt Nam- Lào, Lào- Việt Nam. Kwang đơng lam bồ 2 lơgar neh ring bal bal mờ gơp bơyai lơh ală broă lơh tơngkah kir sơnrai ngai chờ dờng bơh Việt Nam mờ Lào dê bè tơngkah kir sơnrai 60 nam Ngai crơng gơs git gơp lơh broă bal 45 nam ngai Kĭ Hiệp ước lơh bơyô mờ lơh broă bal.

Cau mblàng K’Duẩn