VOV4.K’ho – Tàm hìu lơh broă Văn phòng Chính phủ, Thủ tướng Chính phủ, ồng Nguyễn Xuân Phúc neh geh dơ\ cribơyai tàm điện thoại mờ Thủ tướng lơgar Nhờk, ồng Shinzo Abe. 

2 nă Thủ tướng neh cribơyai bè broă rơcang sơndră kòp Covid-19 tàm tơl lơgar, ring bal lơh broă bal jơh nùs nàng bal mờ gơp sơr lèt gan kòp dờng Covid-19. Thủ tướng Chính phủ, ồng Nguyễn Xuân Phúc yal, tus tu\ do, Việt nam neh gơtùi kơryan kòp Covid-19, hời rơ hời ai ală broă lơh sa, mpồl bơtìan bè ờs wơl.

Thủ tướng Shinzo Abe đơs niam ală broă lơh sơndră geh cồng nha mờ cồng nha niam ngan bơh lơgar Việt Nam dê tàm broă rơcang sơndră kòp. Thủ tướng Shinzo Abe đơs nền, geh pơn jat tai pơgồp bal jơh nùs mờ lơgar Việt Nam tàm ală broă tàm ală lơgar rềp bal mờ tàm dunia mờ 2 lơgar sền gròi bal, bal mờ gơp chul chồl mhar ki\ Hiệp định lơh broă bal lơh sa tơl làm bă tiah (RCEP) tàm nam 2020, lơh jat geh cồng nha Hiệp định lơh broă bal tơl làm mờ gơguh jak gùt Thái Bình Dương (CPTPP).

Cau mblàng K’Duẩn