VOV4.K’ho -  Dờp jơnau jà bơh Thủ tướng Chính phủ Nguyễn Xuân Phúc, Thủ tướng lơgar Tây Edouard Philippe neh geh  dơ\ tus còp ngan ngồn lơgar Việt Nam bơh ngai 2-4/11. Mho 2/11, tàm Hìu lơh broa\ Đảng dà lơgar, Tổng Bí thư, Chủ tịch lơgar Nguyễn Phú Trọng neh wa\ rò rềp mềr Thủ tướng lơgar Tây Edouard Philippe. Tàm bùi wa\, ồng Nguyễn Phú Trọng  neh đơs jơnhua dơ\ tus còp  Việt Nam bơh Thủ tướng lơgar Tây, đơs tờm pơrya kuơ màng  bơh nam 2018 mờ 2 dơ\ tus còp dờng màng bal mờ ua\ ngan broa\ lơh cri bơyai li la ndai di tơng kah 45 nam ngai 2 lơgar crơng gơs gơp lơh broa\ bal mờ 5 nam ky\ sra\ git gơp lơh broa\ bal kuơ màng bơh 2 lơgar. Ồng Nguyễn Phú Trọng đơs tờm, kơp kờ` 2 gah pơnjat tai geh lơh bal niam nàng mut lơh jơh ala\ jơnau  ring bal neh ky\  tàm ua\ gah broa\ tàm tơngai do, geh bal ta\  pơ gồp tàm broa\ gàr ngap lơngai, ờ do ờ da\, lơh broa\ bal mờ bơtàu tơngguh mờ ala\ lơgar rềp bal mờ tàm dunia.

Mho mang òr 2/11, tàm Hìu Quốc hội, Chủ tịch Quốc hội mò Nguyễn Thị Kim Ngân tìp mat mờ Thủ tướng lơgar Tây ồng Édouard Philippe. Tàm dơ\ tìp mat, Chủ tịch Quốc hội mò Nguyễn Thị Kim Ngân mờ  Thủ tướng lơgar Tây  đơs bal là, bàr lơgar pal pơn jat tai pơgồp bal, lơh bơta g^t gơ\p lơh broă bal kuơ màng đah 2 lơgar dê ngai sơlơ jrô ơnàng, geh cồng nha ngan ngồn. Bàr  kuang đơng lam bồ đơs niam ngan bal cồng nha bơh dơ\ Pơrjum Lơh broă bal đah ală tiah tàm lơgar Việt Nam mờ lơgar Tây tàm nam 2016, mờ sồr 2 lơgar pơn jat tai lơh broă bal rcang niam ai dơ\ Pơrjum Lơh broă bal đah ală tiah tàm Việt Nam mờ lơgar Tây dơ\ 11 tàm Toulouse, lơgar Tây dê, tàm nam 2019.Tu\ do, geh 38 càr, [òn dờng mờ ală tiah tàm lơgar Tây geh bơta g^t gơ\p lơh broă bal, dờp oh mi bal mờ 18 càr, [òn dờng tàm lơgar Việt Nam, mờ ai  235 rơndap broă lơh lơh broă bal.

 Lài hơ\, tàm Phủ Chủ tịch, Thủ tướng Nguyễn Xuân Phúc neh đơng lam dơ\ lơh chờ  yu\ ryùm wa\ Thủ tướng lơgar Tây Edouard Philippe còp ngan ngồn lơgar Việt Nam. Tơnơ\ dơ\ lơh wa\, ồng Nguyễn Xuân Phúc mờ ồng Edouard Philippe neh bal mờ mpồl kuang bàng dờng màng 2 lơgar  bơyai lơh cri tơr`a broa\.

Dơ\ tus Việt Nam bơh Thủ tướng lơgar Tây geh pơrya kuơ màng ngan tàm tu\ git gơp  2 lơgar neh mờ gam geh ua\ ngan bơtàu tơngguh niam mờ 2 lơgar gam tơng kah 45 nam crơng gơs git gơp lơh broa\ bal mờ lơgar ndai 2 lơgar. Do kung la tu\  2 lơgar tơng kah 5 nam crơng gơs gitgơp lơh broa\ bal kuơ màng. Tu\ do Tây la  lơgar dong kờl pria\ ODA lam bồ lài châu Âu ai Việt Nam in mờ Việt Nam  ơm dơ\ 2 tàm ala\ lơgar geh dờp ODA bơh lơgar Tây tàm châu Á, kờp jơh khà pria\ pơrgon geh tus 18 tơmàn 400 tơlak dollar Mỹ.

Cau mblàng K’ Brọp mờ K’ Hạnh