VOV4.K’ho - Mho òr (14/09), tàm hìu lơh broă Chính phủ, Thủ tướng Chính Phủ ồng Phạm Minh Chính neh geh dơ̆ lơh broă mờ Đại sứ lơgar Hàn Quốc bal mờ ờ uă Mpồl tam klăc mpồl lơh sa kă bro lơgar Hàn Quốc tàm lơgar Việt Nam.

Thủ tướng đơs tờm kòp gơtờp là broă bal gùt plai ù den tàng pal geh broă lơh bal bơh gùt plai ù dê, pal geh broă tam klăc bal mờ tus bal bơh jơh ală gah nàng rơcang sơndră. Thủ tướng hòi jà đah lơgar Hàn Quốc pơn jăt tai dong kờl lơgar Việt Nam geh sơnơm vaccine uă ngan, mhar ngan mờ uă broă lơh krơi is, tàm hơ̆ uă ngan là tàm nhai 9, nhai 10 do mờ lơh broă bal tàm broă jào công nghệ, lơh sơnơm vaccine, sơnơm sơm kòp, phan lơh sơnơm; ală mpồl lơh sa kă bro lơgar Hàn Quốc pơn jăt tai tus bal, dùl nùs bal mờ lơgar Việt Nam lơh jăt ală broă nàng jai pha kòp gơtờp mờ geh uă broă bơceh lơh, rơcang lài niam nàng tơmù broă gơrềng bơh kòp gơtờp, geh sùm broă lơh sa kă bro.

Cau mblàng Ndong Brawl