VOV4.K’ho- Tàm Hìu duh broă Chính phủ dê, ồng Nguyễn Xuân Phúc, Thủ tướng Chính phủ neh geh dơ\ lơh broă mờ kuang đơng lam bồ dờng màng bơh càr Bình Thuận dê bè broă lơh sa- mpồl bơtiàn, bơsong ală jơnau dan mờ bơta kòl yan bơh càr dê.

Thủ tướng đơs loh, lài ngan, càr pal lơh geh tơl ală bơta ai lơh sa, kă bro in, lơh geh tiah bơcri priă niam rlau, lơh ngan lơh gơs tơl làm, sơrlèt mờ broă rơndăp lơh nam 2018.

Bè ală jơnau dan ngan ngồn bơh càr dê, lài ngan là rơndăp broă lơh [làng rơndeh par Phan Thiết, Thủ tướng dùl nùs bal jơnau dan lơh [làng rơndeh par jat gùng dà geh bal bàr bơta kuơ mờ đơs là, pal gờ` lơh gơs rơndăp ù tiah nền cê [làng rơndeh par mờ gơtùi hòi jà mpồl bơtiàn tă pơgồp lơh bal tàm bàr pe broă.

Lơh broă mờ kuang đơng lam bồ dờng màng càr Quảng Ngãi dê, Thủ tướng dùl nùs bal mờ broă bơtàu tơnguh Tiah lơh sa Dung Quất gơ gơs là Tiah tờm lơh jồr zờu mờ ồs đèng dà lơgar.

Gơ wèt mờ jơnau dan bơcri priă lơh {làng rơndeh par Chu Lai, Thủ tướng jàu Bộ Giao thông mờ Vận tải in rơcang lam lơh, geh bal lơh broă bal mờ dunia halà hòi jà mpồl bơtiàn bơcri priă nàng lơh tiah tờm pơndiang phan dunia tàm do kung bè tơnguh khà pơndiang năc lòt rê.

Cau mblàng Lơ Mu K’Yến