VOV4.K’ho- Drim ngai 19/12, Thủ tướng Ciñ phủ ồng Phạm Minh Chính neh lơh broă mờ kwang đơng lam bồ tờm ƀòn dờng Hải Phòng bè broă bơtàu tơnguh lơh sa- mpồl bơtiàn nam 2021 mờ gùng dà, kơnòl broă bơtàu tơnguh lơh sa- mpồl bơtiàn nam 2022.

Anih dơ̆ lơh broă

Đơs pơndŭt dơ̆ lơh broă, Thủ tướng ồng Phạm Minh Chính cih dờp mờ đơs niam ngan mờ jờng rơ ală broă lơh ngan bơh ală kấp ủy Đảng, gơnoar ătbồ, ling klàng mờ làng bol ƀòn dờng Hải Phòng dê mờ ală cồng nha kwơ màng neh lơh geh, tă pơgồp uă ngan tàm cồng nha lơh geh bal bơh gùt lơgar dê. Mờ Thủ tướng kung sơñio loh 10 broă lơh kờñ pal lơh jăt tàm tơngai tus, lài ngan là pal mblàng yal mờ lam lơh jăt niam, kràñ cê jơh nùs mờ geh cồng nha Kơrnoăt Pơrjum dờng dơ̆ XIII bơh Đảng dê, Kơrnoăt sồ 45 bơh Ƀộ Ciñ trị dê, Kơrnoăt sồ 35 bơh Quôk hội dê, kơrnoăt bơh Ciñ phủ mờ Kơrnoăt Pơrjum dờng Đảng ƀộ ƀòn dờng dê.

Cau mblàng Lơ Mu K’Yến