VOV4.K’ho- Thủ tướng Cíñ phủ ồng Phạm Minh Chính mờ mpồl kwang bàng bơh Cíñ phủ dê neh lơh broă mờ kwang đơng lam bồ tờm ngan càr Hưng Yên bè broă lơh bơt bơtàu Đảng, broă bơtàu tơnguh lơh sa- mpồl bơtiàn mờ broă lơh bơt bơtàu Đảng nam 2021; gùng dà, kơnòl broă nam 2022.

Bè gùng dà, kơnòl broă tàm tơngai tus, Thủ tướng Phạm Minh Chính sồr: Pal jơh nùs tam gơl pa, bơceh pa, chồl pràn bơtàu tơnguh tơl làm, mhar mờ kơ̆ kơljap, bơtàu tơnguh lơh sa mờ măi mok kông nghệ cao, lơh sa mờ măi mok geh bơta kuơ gơguh uă, tam gơl pa. Bơtàu tơnguh lơh sa- mpồl bơtiàn gơ jat bal mờ prap gàr, tơnguh ală bơta kuơ niam chài bơh jŏ, tơnguh ală bơta kuơ kah yau niam chài krơi is ngan mờ sền gàr tiah ơm kis; bơsong niam ală broă mpồl bơtiàn. Bè rơcang sơndră kòp Kovid-19, lơh jat nền nòn jơnau sồr gơdờp ờdo ờdă, ngac ngar, gròi sền geh cồng nha kòp Kovid-19. Pơn jat tai tơnguh mblàng yal làng bol pơn jat tai lơh jat nền nòn jơnau sồr 5K, bañ sền ờ sơp, lam lơh niam broă rơndap lơh cit sơnơm vaccine.

Cau mblàng K’Duẩn