VOV4.K’ho – Di tơngkah 35 nam ngai Cau pơgru Việt Nam, Thủ tướng Nguyễn Xuân Phúc neh tus lùp còp mờ nting sap gờm chờ ờ uă cau pơgru làng bol, ală cau geh tă pơgồp dờng màng tàm broă lơh bơto bơsram dà lơgar dê.

 Thủ tướng Nguyễn Xuân Phúc neh tus còp Cau pơgru Làng bol Thái Thị Liên, dùl tàm ală cau ùr chài lip kơ`I rùp sơn rờp lơgar Việt Nam, cau cih sră Vũ Tú Nam mờ cau chài trah mòn Tạ Quang Bạo, 2 nă cau neh geh pà Khà jờng Dà lơgar bè văn học, nghệ thuật.

Thủ tướng đơs tờm, Chính phủ gam lơh ngan kơlôi sơnơng nàng mhar geh ală broă lơh dipal ai ală cau pơgru in kung bè văn nghệ sỹ in nàng gàr niam ală cau lơh broă tàm gah do ờ mìng geh rài kis tơl niam mờ gam geh ală tă pơgồp uă rlau tai tàm broă lơh bơto bơtê mờ bơsram, văn học, nghệ thuật bơh dà lơgar dê.

                                                      Cau cih mờ yal tơnggit K’Duẩn