VOV4.K’ho - Drim òr (25/3), tus pơrjum sơn đờm lơh ală rơndăp broă bơcri priă tàm tiah lơh sa Chu Lai, càr Quảng Nam, Thủ tướng Nguyễn Xuân Phúc đơs tơrgùm 6 bơta tòm geh ai bơh cồng nha Chu Lai, Thaco dê.

Broă sơn đờm lơh ală rơndăp broă lơh sa mờ măi mo\k, suơn sre-brê bơnơm; tiah lơh rơndeh dờng Thaco Chu Lai pờ ơnàng mờ rơndăp broă lơh anih ơhò ơm kờ` wă rò ơhò 50 rơbô tấn, tiah lơh hìu ơm công nhân mờ [òn ơm kis pa tu\ do neh ai go\ dùl broă lơh tơnguh bơtàu pràn tiah lơh sa Chu Lai, kuơ màng là Thaco-do là anih lơh sa kă bro cau dùl nă să lơh is lam lài tàm tiah lơh sa Chu Lai bơh ală ngai sơnrờp crơng gơs.

Nam lài, khà lơh sa mờ măi mo\k Thaco tàm Chu Lai geh mờr 42 rơbô tơmàn priă, gàr niam broă lơh ai mờr 9 rơbô nă cau in, tă mờr 16 rơbô tơmàn priă tàm kes priă càr in.

Tàm dơ\ pơrjum, Thủ tướng sồr tơnkah, ba` pơn yờ să ir mờ ală broă gam lơh geh, pal kơlôi sơnơng mờ tơnguh ală bơta geh pa bơh ù tiah do dê.

Chính phủ geh kờ` bal ngan mờ dong kờl kờ` ală công ty bơcri priă lơh gơs ală rơndăp broă.

Ală bộ, gah lơh broă dà lơgar pal pơgồp bal, dong kờl bal anih lơh sa kă bro bơsong kal ke, hòi jà ngai sơlơ uă anih lơh sa kă bro bơcri priă lơh sa, tơnguh bơtàu mhar rơlao, kơl jăp rơlao.

Cau mblàng Ndong Brawl