VOV4.K’ho - Mho òr (14/10), Thủ tướng Nguyễn Xuân Phúc bal mờ pơ-ùr mờ mpồl kuang bàng dờng màng lơgar Việt Nam neh tus càr lơgar Vienna, còp mùl màl lơgar Áo.

Mang òr (14/10), ồng Nguyễn Xuân Phúc bal mờ pơ-ùr mờ mpồl kuang bàng dờng màng lơgar Việt Nam neh geh dơ\ tìp, boh bơr mờ kuang bàng, cau lơh broă tàm Đại sứ quán, mpồl cau lơgar Việt Nam kis tàm lơgar Áo mờ ờ uă lơgar tàm châu Âu.

Ồng Nguyễn Xuân Phúc đơs, mpồl cau lơgar Việt Nam kis hờ lơgar bơdìh là bơnah ờ gơtùi tam cah is dà lơgar dê. Đảng, Dà lơgar sùm sền gròi tus mờ làng bol lơgar Việt Nam kis hờ lơgar bơdìh.

Di tàm dơ\ do, ồng Nguyễn Xuân Phúc neh yal tus mờ mpồl cau lơgar Việt Nam kis tàm châu Âu bè broă tam gơl pràn kơl dang dà lơgar dê, geh bal broă lơh sa, mpồl bơtiàn, sền gàr bơta lơngăp lơngai dà lơgar, broă lơh bal mờ lơgar ndai…

Dờp jơnau pơgồp bơh làng bol bè broă gàr măt dà lơgar Việt Nam, ồng Nguyễn Xuân Phúc pà g^t, geh jào anih lơh broă geh gơnoar in sền wơl mờ nùs nhơm ai tơl bơta niam, bơta [uơn làng bol in.

Cau mblàng Ndong Brawl