VOV4.K’ho - Thủ tướng Nguyễn Xuân Phúc neh geh dơ\ cri bơyai mờ Thủ tướng lơgar Ấn Độ ồng Narendra Modi di tàm dơ\ tus pơrjum dờng màng mpồl ASEAN dơ\ 31 mờ ală pơrjum dờng gơrềng bal bơyai lơh tàm càr lơgar Manila, lơgar Philippines ngai òr (14/11).

2 gah neh cri bơyai ală broă kờ` chồl pràn broă lơh bal bơh 2 lơgar; ring bal chồl pràn broă lơh bal tàm broă sền gàr dà lơgar, mờ broă lơgar Ấn Độ tơnguh broă tam pà bal công nghệ mờ ai càn priă sền gàr dà lơgar, lơgar Việt Nam in.

Bè lơh sa kă bro, 2 gah pin dờn geh tơl khà 15 tơmàn đôlar Mỹ tàm nam 2020; ring bal lơh ală broă lơh mùl màl.

2 gah kung ring bal lơh jăt cồng nha Hiệp định khung bè lơh mờ ngui kơl wàng trồ tài broă lơh lơngăp lơngai; chồl pràn broă lơh bal tàm ală gah lơh sa, bơta chài rơgơi, tìp bal làng bol.

Cau cih mờ yal tơng^t Ndong Brawl