VOV4.K’ho- Tềng đah bơdìh Dơ\ cribơyai kấp kuang bàng dờng màng Pơrjum dờng ală lơgar tàm Liên hợp quốc khoá 73 tàm New York, lơgar Mỹ, drim òr 27/9, ồng Nguyễn Xuân Phúc, Thủ tướng Chính phủ Việt Nam neh tus bal Cribơyai mờ tơngume “Gơhòi gơ jà bơcri priă tàm Việt Nam tàm tu\ tơngai bơtàu tơnguh công nghệ 4.0”.

Đơs tàm dơ\ Cribơyai, ồng Nguyễn Xuân Phúc, Thủ tướng Chính phủ đơs sùm bè broă lơh sa lơgar Việt Nam dê pơn jat tai gơguh tai niam ngan, tiah lơh sa kă bro geh lơh niam wơl bal mờ mờr 90 rbô mpồl lơh sa kă bro pa geh crơng gơs tàm 8 nhai bồ nam 2018 do, uă sră nggal lơh sa kă bro geh sang mờ tơrmù te\.

Thủ tướng Nguyễn Xuân Phúc đơs ngan, Việt Nam sùm sền dờng màng lơh pràn lơh broă bal uă bơta mờ lơgar Mỹ tàm hơ\ ai lài lơh broă bal lơh sa, lơh broă bal tàm ală gah măy mok jak chài pa; jờng rơ ngan gơnoar broă kuơmàng mờ tă pơgồp geh kuơ ngan bơh ală mpồl lơh sa kă bro lơgar Mỹ dê tàm ală broă lơh tam gơl pa, mu\t rơgờm bal mờ bơtàu tơnguh lơh sa bơh Việt Nam dê.

Thủ tướng sồr ală mpồl lơh sa kă bro lơgar Mỹ sơlơ bơcri priă tàm ală gah broă lơh geh bơta pràn bè công nghệ cao, năng lượng, gùng lòt hìu đam, tiah drà ngac ngar, bơto bơtê…mờ đơs ngan jơnau hơ pơrgon bơh Việt Nam dê lơh geh tiah lơh sa kă bro niam ngan rlau jơh ai ală mpồl lơh sa kă bro lơgar ndai in, tàm hơ\ geh mpồl lơh sa kă bro lơgar Mỹ, lơh sa kă bro, bơcri priă kơ\ kơl jăp mờ jo\ jòng tàm Việt Nam.

Cau mblàng Lơ Mu K’Yến