VOV4.K’ho - Mờr dùl nam kờp bơh dơ\ lòt sền broa\ mut lơh bơta ho bè sền gàr tiah kis bơh Kong ti TNHH Gang thép Hưng Nghiệp Formosa Hà Tĩnh, ồng Nguyễn Xuân Phúc, Thủ tướng dà lơgar neh tus wơl lòt sền broa\ bơsong dà  bơh sang mờ may mok lơh sa bơh broa\ lơh bơcri dờng do. Ồng Nguyễn Xuân Phúc sồr Kong ti nhap nhar tam gơl broa\ lơh lơh ngềt cốc bơh sùh gơs ra`, bơh cau lơh la Neisui lơgar Nhờk la cau lơh tờm dờng, lơh gơs tàm nhai 6 nam 2019 (jat pơrgon).

Ồng Nguyễn Xuân Phúc sồr ala\ bộ, gah lơh broa\ pơnjat tai bơsong jat gơnoar broa\ ala\ tơnggu me geh gơ rềng tus Kong ti TNHH Gang thép Hưng Nghiệp Formosa Hà Tĩnh dong tơl bơta ai cau bơcri mut lơh  di ala\  pơnrgon mờ Chính phủ, kờp bal sền sơnơng tơl khà,  broa\ lơh tàm lơh sa. Thủ tướng sồr càr Hà Tĩnh geh lơh bal mờ Bộ Tài nguyên mờ Môi trường pơnjat tai sền gròi nền nòn  khà sồ bè tiah kis tàm Kong ti TNHH Gang thép Hưng Nghiệp Formosa Hà Tĩnh, geh broa\ lơh bal 3 nhai dùl dơ\ nàng sền, dong kờl bơsong ala\ kal ke bơh Kong ti.

Cau mblàng K’ Brọp