VOV4.K’ho - Tàm hìu lơh broă Chính phủ, Thủ tướng Nguyễn Xuân Phúc neh đơng lam pơrjum mờ ờ uă bộ, gah lơh broă kờ` sền wơl cồng nha broă lơh sa, kă bro bơh lơgar Việt Nam mờ mpồl tam klăc châu Âu (EU) tơngai do kung bè gùng dà chồl pràn broă lơh bal mờ mpồl kuơ màng do.

Đơs tòm tus mờ bơta kuơ màng bơh broă chồl pràn broă lơh bal mờ mpồl tam klăc châu Âu, do là mpồl lơh broă kuơ màng ngan, geh nùs nhơm kuơ màng lơgar Việt Nam dê tàm gah lơh sa, kă bro, bơcri priă, ồng Nguyễn Xuân Phúc kung tơl^k go\ ờ uă broă gam ờ pràn, kal ke bè broă mpồl tam klăc châu Âu tơl^k sră rơm^t gơwèt mờ phan tàm dà tăc bơh lơgar Việt Nam ha là ờ uă broă gam ờ niam bè tiah bơcri priă, sră nggal mờ ală bộ, gah lơh broă pal tơrgùm bơsong, ai bơta [uơn rơlao tai kờ` chồl pràn broă kă bro, bơcri priă bơh lơgar Việt Nam mờ mpồl tam klăc châu Âu.

Tàm dơ\ pơrjum, ồng Nguyễn Xuân Phúc neh đơng lam ală bộ pal tơrgùm lơh broă mờ ală anih lơh broă mpồl tam klăc châu Âu kờ` chồl mhar broă k^ hơ, ring bal Hiệp định kă bro khăt gơboh bơh lơgar Việt Nam mờ mpồl tam klăc châu Âu (EVFTA), lơh ngan tus lồi nam 2018. Bơh tu\ hơ\, pờ geh 1 broă lơh bal dờng ơnàng rơlao, ai geh broă lơh pa pràn bè broă lơh sa, kă bro bơh lơgar Việt Nam mờ mpồl tam klăc châu Âu.

Cau cih mờ yal tơng^t Ndong Brawl