VOV4.K’ho – Drim òr (06/5), tàm [òn dờng Biên Hòa, càr Đồng Nai, Thủ tướng Nguyễn Xuân Phúc đơng lam pơrjum bơtàu tơnguh tiah lơh sa kuơ màng tiah đah jum dà lơgar, tiah lơh sa pràn lam lài bơh dà lơgar dê.

Thủ tướng sồr ală kuang bàng tơrgùm cribơyai, sền sơ wì broă bơtàu tơnguh lơh sa- mpồl bơtìan nam do tus nam 2020 nàng kờ` bơsong bơta kal ke, kòl yan nàng lơh gơs niam jơnau kờ`, kơnòl broă mờ Pơrjum dờng Đảng dơ\ 12 neh ai. Mờ pà g^t, tàm tu\ tơngai nam do, geh uă ngan kal ke bè trồ tơngai gơlik geh kal ke, kòp bơtờp, priă tăc tàm dunia ờ niam, ngan là xăng zờu geh bơta tam gơl, kal ke lơh sa kă bro Mỹ mờ Lo mờ tam  dră chính trị tàm bàr pe tiah, gơ rềng tus lơh sa gùt plai ù mờ dà lơgar dê.

Thủ tướng đơs ngan, tiah do kờ` pal geh lơh pràn ngan rlau tai, bơdìh mờ broă lơh sa, ală broă mpồl bơtìan kung pal geh sền gròi bơsong. Thủ tướng đơs loh, ờ đơs uă cồng nha lơh geh mờ pal lơh tơn tàm broă ờ hềt pràn, broă gam kal ke, kòl yan mờ bol he gam gơ kòl tu\ do nàng bơsong, nàng dà lơgar, Chính phủ, ală bộ, gah sơnah lơh broă in g^t, ai tơl bơta buơn rlau tai nàng bơtàu tơnguh ai tiah do in, lài ngan là bơsong, sơlơ tơnguh lơh sa nam do mờ tàm nam 2020.

Cau mblàng K’ Hạnh