VOV4.K’ho - Thủ tướng Nguyễn Xuân Phúc sồr ala\ Bộ, gah lơh broa\ ba` ờ sền, sền ờ sơp, pal  kràn ngan tàm mut lơh ala\ broa\ lơh nàng lơh geh broa\ lơh gơguh lơh sa 6,7% nam 2017. Hơ\ la jơnau lam sồr  bơh Thủ tướng Nguyễn Xuân Phúc tàm dơ\ pơrjum Chính phủ bè ờs nhai 9.

Sền wơl bè bơta lơh sa mpồl bơhìan ồng Nguyễn Xuân Phúc đơs la,  tàm 3 ngai 7,8, 9 pa do, lơh sa gùt lơgar gơguh nisơna tus khà 7, 46%, ua\ ngan  tàm ala\ gah lơh sa broa\ ơla, lơh sa suơn sre, ngan la lơh sa suơn sre công nghệ cao mờ khà  tơlak tac mờ lơgar ndai  geh jơnhua, kong nghiệp bơceh lơh, bơceh  lơh,  drơng ơla,  tac rah rài mờ nhơl chờ.

Ồng Nguyễn Xuân Phúc đơs la,  mờ khà gơguh do,  dilah ờ geh trồ tiah aniai dờng gơlik geh, bal mờ bơta geh sơnơng niam wơl nùs nhơm đơng lam atbồ,  đơng lam mờ geh lơh niam  ờ ua\ broa\ gam ờ hềt niam tàm nam do. Chính phủ di gơlan gơtùi lơh gơs broa\ geh jàu tơl jơh tàm 13 broa\  jàu lơh.

                                                                Cau cih mờ yal tơnggit K’ Brọp