VOV4.K’ho- Drim òr (10/1), geh lơh pơrjum pờ tơn tàm internet gùt lơgar Tơn jơh broă lơh lam sồr làng bol mờ sền sơ wì cồng nha mut lơh “ nam lam sồr làng bol gơnoar atbồ” nam 2018, lơh kơnòl broă nam 2019 bơh Ban dân vận dà lơgar mờ Mpồl kuang bàng đảng Chính phủ bơyai lơh.

Thủ tướng Chính phủ Nguyễn Xuân Phúc đơng lam pơrjum. Tàm dơ\ pơrjum, ală kuang bàng đơs là; broă lơh lam sồr làng bol bơh gùt  ròt chính trị  neh pơgồp bơnah lơh geh bơta lơh ngan mpồl tam klăc dờng gùt jơi bơtìan kòn cau ; lơh jat niam làng bol lơh tờm mờ bơta pràn bơh làng bol dê tàm broă bơt bơtàu mờ sền gàr dà lơgar.

Thủ tướng Nguyễn Xuân Phúc sồr Ban dân vận dà lơgar mờ ală tiah pal sền gròi, bơsong niam jơnau kơ\p kờ`, sră pơyoa yal yă bơh làng bol dê; lơh pràn broă mbàng yal bơto bơtê mpồl kuang bàng công chức, viên chức in nàng kờ` tam gơl pa bè bơta g^t wă mờ broă lơh bơh jơh bal ròt chính trị; lơh jat niam jơnau đơs nam lam sồr làng bol gơnoar atbồ nam 2019 là “lơh jat adat boh lam, song dơ pa\, lơh broă, bơceh pa, cồng nha, bơtàu tơnguh uă”.

Cau mblàng K’Hạnh