VOV4.K’ho – Drim òr (11/4), tàm Hà Nội, Thủ tướng Nguyễn Xuân Phúc đơng lam pơrjum Thường trực Chính phủ, cribơyai ală bơta gam geh jơnau đơs krơi is bơh rơndap cih Nghị định bè broă ngui phan bơna dà lơgar nàng tơm priă ai cau bơcri priă in tu\ lam lơh rơndap broă BT (hơ\ là jơnau pơrgon bơt bơtàu – tàm jàu).

Tàm dơ\ pơrjum, ală kuang bàng ndrờm đơs là, lam lơh ală rơndap broă BT là kuơ màng ngan tàm tu\ bơta pràn bè kes priă dà lơgar ờ huan uă. Tơngume bơh rơndap broă BT dê là dà lơgar hòi jà priă bơcri bơh tă pơgồp mpồl bơtìan dê, bơcri lơh ală broă lơh kuơ màng, tơnơ\ hơ\ tơm wơl mờ phan bơna ndai.

Tơngai lài, neh geh uă rơndap broă BT geh đơs là lơh hoàc huơr tus phan bơna dà lơgar, ngan là ală rơndap broă tơm priă ai cau bơcri priă in mờ ù tiah. Tài mùl màl, bơta kuơ ù tiah gơtìp kờp priă lơyah rlau mờ bơta geh ngan jat khà priă tàm drà kă bro, tàm tu\ priă lam lơh rơndap broă BT den geh kờp priă uă ngan, lơh bơnah hoàc huơr gơwèt hờ dà lơgar.

Đơs pơn dut pơrjum, Thủ tướng Nguyễn Xuân Phúc đơs loh, bơcri priă jat broă lơh BT kung gam kuơ màng tu\ do, hơ\ kung là broă lam lơh jat adat atbồ phan bơna dà lơgar nam 2017. Thủ tướng sồr Nghị định tu\ geh ai den pal gàr niam bơta krà` cê bè adat boh lam, dipal mờ drà kă bro mơya ờ lời gơlik geh hoàc huơr, sa kuề sa kùa, ờ niam gơwèt mờ phan bơna dà lơgar. Bal mờ hơ\ là tam pà kấp lơh broă, jàu gơnoar loh làng, gơ jat bal mờ kơnòl broă nàng pleh gơlik geh ală broă lơh tìs.

                                                                        Cau mblàng K’Duẩn