VOV4.K’ho- Mho òr 19/2, tàm Hìu duh broă Chính phủ dê, ồng Nguyễn Xuân Phúc Thủ tướng Chính phủ lơh broă mờ ală bộ, gah sơnah lơh broă dà lơgar bè broă lơh jat Kơrnoat sồ 120 bơh Chính phủ dê bè bơtàu tơnguh kơ\ kơl jăp tiah ring dà dờng Cửu Long gơdờp mờ tam gơl trồ tiah.

Thủ tướng đơs sùm, Kơrnoat 120 là Kơrnoat geh kơlôi sơnơng lơh niam ngan bè gùng dà bơtàu tơnguh, broă bơtàu tơnguh mờ broă lơh loh làng, geh ală cau mờng chài tàm lơgar mờ lơgar ndai đơs niam ngan.

Tàm tu\ tơngai tam gơl trồ tiah gơlik geh ờ niam ngan den broă mhar pơrjum sền wơl bơh sơnrờp broă lơh jat Kơrnoat là kuơmàng ngan. Thủ tướng đơs, ală bộ, gah sơnah lơh broă dà lơgar mờ ală tiah geh bơta tam gơl tàm tu\ lam lơh jat Kơrnoat, tàm hơ\ geh ală rơndăp broă lơh rơndăp tăp sèng lơh sa lơh broă sa sươn sre mờ bàr pe gah broă lơh tàm tiah ring dà dờng Cửu Long.

Mơya, Thủ tướng yal kung gam geh sơl bơta geh ngan ờ hềt geh bơta krà` cê jơh nùs tàm tu\ lơh jat Kơrnoat, geh bal tàm bồ tơngoh kơlôi sơnơng mờ broă lơh gam uă broă gơlik tus, ờ geh bơta rcăng lài, hòi jà làng bol tàm tu\ lơh jat Kơrnoat.

Cau mblàng Lơ Mu K’Yến