VOV4.K’ho- Thủ tướng Nguyễn Xuân Phúc đơng lam bal mờ kuang đơng lam bồ ală bộ lơh broă mờ kuang đơng lam bồ càr An Giang bè broă tă bơsong kal ke gơrềng tus ală broă lơh, rơndăp broă lơh kuơmàng gơ wèt tus mờ bơta bơtàu tơnguh lơh sa- mpồl bơtiàn bơh càr dê tàm ngai òr, 6/12 tàm càr lơgar Hà Nội.

Thủ tướng sồr càr An Giang pơn jat tai lơh niam ngan rlau jơh ală kơnòl broă lơh sa- mpồl bơtiàn nam do dê; rơcang lài lơh kơnòl broă nam 2018 mờ nam 2019. Bal mờ hơ\ là pơn jat tai lơh pràn rơndăp tăp sèng wơl, kuơmàng là tàm broă lơh sa sươn sre, nàng bơtàu tơnguh kơ\ kơl jăp, tàm hơ\ geh bơtàu tơnguh ală sươn dờng pơlam lơh lài; sùm tam ală bơta chi tam cồng nha uă.

Đơs uă, nhơl chờ là kuơmàng ngan rlu jơh bơtàu tơnguh lơh sa- mpồl bơtiàn bơh càr dê, Thủ tướng sồr càr lơh ngan tơnguh phan lơh geh bơh broă nhơl chờ tàm rơndăp tăp sèng lơh sa nàng geh bơh 10% rlau hơđang. Tàm dơ\ lơh broă, Thủ tướng kung neh tă pơgồp jơnau đơs tàm bàr pe jơnau đơs bơh càr dê gơrềng tus ală broă lơh phan bơna tàm ù tiah càr dê.

Cau cih mờ yal tơngi\t- Lơ Mu K’ Yến