VOV4.K’ho – Mho òr (2/1), Thủ tướng Nguyễn Xuân Phúc mờ mpồl lơh broă Chính phủ dê neh geh dơ\ lơh broă mờ Kuang đơng lam bồ dờng màng càr Thừa Thiên Thuế. Tàm dơ\ lơh broă, Thủ tướng đơs tờm, Huế geh bơta pràn mờ ờ huan tiah lơi geh. Huế ơm tàm tiah geh uă phan lời wơl kah yau chài rơ gơi mờ uă phan lời wơl geh is bè Hội An, Đà Nẵng, Phong Nha, Sơn Đoòng, Mỹ Sơn…

Thủ tướng Nguyễn Xuân Phúc sồr Thừa Thiên Huế pal geh broă lơh lơh jat ală nghị quyết bơh dà lơgar dê, ngan là nghị quyết dà lơgar 6 pa do, Nghị quyết sồ 1 bơh Chính phủ dê mờ jơnau đơs 10 akhar “Geh kơrnuat, song dơpă, lơh broă, bơceh pa, geh cồng nha”. Sơlơ bơt bơtàu, bơsong Đảng, rơcang sơndră bơta ờ niam, lơh tìs, dră wơl bơta lơh broă ờ jơh nùs mờ rơndap sap sèng wơl mpồl lơh broă geh cồng nha, lơh broă pràn kơldang, ringbal.

                                    Cau cih mờ yal tơnggit K’Duẩn