VOV4.K’ho - Thủ tướng Nguyễn Xuân Phúc đơng lam dơ\ lơh broă mờ mpồl tam klăc Hợp tác xã Việt Nam bè broă tơnguh bơtàu lơh sa bal mờ Hợp tác xã.

Tơnơ\ mờ tu\ iăt kuang bàng ală bộ, gah lơh broă dà lơgar, ală càr [òn dờng bal mờ mpồl tam klăc Hợp tác xã Việt Nam yal ală broă mờ dan, ồng Nguyễn Xuân Phúc neh đơs niam ală cồng nha bơh mpồl tam klăc Hợp tác xã, ală Hợp tác xã gùt lơgar tàm tơngai do mờ đơs là, broă bơyai lơh, rơndăp wơl, tơn jơh lơh broă Hợp tác xã ờ pràn là pal geh lơh.

Đơs tòm tus gơnoar bơh Hợp tác xã là pal geh tàm tơngai tơrgùm bal mờ dunia uă, ồng Nguyễn Xuân Phúc đơs là, broă lơh sa hìu nhă dềt, geh bơta pràn tàm pơrlòng ờ uă mờ pal geh bơyai lơh wơl, kuơ màng tàm gah lơh sa suơn sre, [òn lơgar. Bơta kờ` sền gròi ngan mờ kung là kal ke uă ngan tu\ do là thể chế broă lơh ờ hềt lơh gơs.

Pơn jăt mờ hơ\ là broă bơyai lơh wơl broă lơh sa. Ồng Nguyễn Xuân Phúc đơs là, pal geh broă đơng lam tơnguh bơtàu bơta kuơ, geh broă tam pà bal mờ lơh broă bal bơh anih lơh sa kă bro, mpồl tam klăc Hợp tác xã mờ ală Hợp tác xã, mpồl lơh broă bal.

Cau mblàng Ndong Brawl