VOV4.K’ho – Tus còp, lơh broă mờ kuang đơng lam bồ, kuang bàng, cau lơh broă Tập đoàn Công nghiệp kau su Việt Nam tàm [òn dờng Hồ Chí Minh, Thủ tướng Nguyễn Xuân Phúc sồr Tập đoàn lơh pràn broă cổ phần hoá mờ nùs nhơm pal loh làng, song dơpă, ờ lơh hoàc huơr priă bơcri dà lơgar dê.

Thủ tướng đơs là, gah lơh kau su Việt Nam geh bơhìan jo\ rài, là 1 tàm ală gah lơh broă crơng gơs mpồl công nhân Việt Nam, geh tă pơ gồp, phi să kac màng in. Thủ tướng sồr Tập đoàn kau su kung bè ală tập đoàn ndai pal geh broă lơh jat niam rơndap broă lơh sa kă bro nam 2018, lơh ngan lơh jơh khà geh jàu, tă pơ gồp tàm cồng nha bal bơh dà lơgar dê.

               Cau cih mờ yal tơnggit K’Duẩn