VOV4.K’ho - Pơnjat tai lòt lơh broa\ tàm ala\ càr Tây Nguyên, Thủ tướng Nguyễn Xuân Phúc đơng lam bal mờ kuang bàng ờ ua\ gah, sơnah lơh broa\ mờ kuang bàng đơng lam atbồ càr Dak Nông. Ồng Nguyễn Xuân Phúc đơs jơnhua càr geh  ua\ bơta pràn bơtàu tơngguh, kờp bal bơtàu tơngguh nhơl chờ, kơnờm mờ trồ tiah niam, geh 40 kòn cau oh mi mờ ua\ ngan bơhìan niam càr dê. Càr kung geh ua\ ngan phan bơna  geh is,  la ù tiah nđiơm gơs ngan.

Tơnơ\ 15 nam cah càr, Dak Nông neh tam gơl lơh sa ua\ ngan, lơh gơs ua\ ngan ù tiah tam chi tam kong nghiệp geh khà ua\  bè tiêu, kơphe, cao su. Ồng Nguyễn Xuân Phúc sồr càr Dak Nông pơnjat tai ngui bơta pràn geh, geh ala\ broa\ lơh gơguh nisơna,  lơh broa\ kràn  dơle\ bal bơh bồ nam 2018. Dak Nông kờ` pal rơndap wơl lơh sa pràn, ngan la lơh pràn tam chi tam kong nghiệp bơceh lơh, năng lượng lơh wơl, bơtàu tơngguh ala\ phan bơh  lơh sa suơn sre pràn, lơh niam wơl gah bơcri ka\ bro, bal mờ hơ\ geh lơh pràn tam gơl bơceh pa, ngan ala\ gah mờ càr pràn, ala\ phan  bơna gơhòi nhơl chờ.

Di tu\ tus sa tềp dà lơgar Mậu Tuất, ồng Nguyễn Xuân Phúc neh tus còp, nting sap sa tềp kong nhơn hìu ma\y Alumin Nhân Cơ, còp  bơt bơtàu hìu ma\y đèng phơng Nhôm Dak Nông, lòt còp, pà phan ala\ hìu nha\ geh khà sra\ dong kờl bơh dà lơgar, cau rbah tàm kơnhòal Dak Song, còp mờ boh  bơr nting sap sa tềp ala\ cau kuang, cau ling sền  gàr nhàr lơgar mờ kuang àng càr Dak Nông.

                        Cau cih mờ yal tơnggit K’ Brọp