VOV4.K’ho- Klo ngai òr 4/4, ồng Nguyễn Xuân Phúc, Thủ tướng Chính phủ Việt Nam mờ Mpồl kuang bàng ala mat lơgar Việt Nam neh lòt bơh Hà Nội, lòt gùng tus Siêm Riệp, lơgar Campuchia, lòt Pơrjum Kuàng bàng dờng màng Ủy hội dà dờng Mekong dunia dơ\ pe.

Ủy hội dà dờng Mekong tu\ do gam lơh Broă rơndăp lơh kuơmàng tơngai 5 nam ( 2016-2020) tàm hơ\ geh 7 cồng nha tờm mờ rlau 190 broă lơh mờ kờp jơh priă tă lơh kờp du\ pơgăp 60 tơlak dolar Mỹ.

Jơnau kờ` bơh broă rơndăp lơh dê là nàng kờ` lơh ală broă lơh lài bơh Broă lơh bơtàu tơnguh jat gah hiòng dà dờng kơnờm tàm bơta atbồ bal phan kuơ geh is dà, pơn jat tai lơh jat tàm jàu ală gơnoar broă tờm bè atbồ ù tiah jat gah hiòng dà dờng ai dà lơgar in.

Tàm tu\ tơngai, Việt Nam dờp at kơnòl broă Chủ tịch Hội đồng Ủy hội dà dờng Mekong Dunia nam 2018, broă ồng Nguyễn Xuân Phúc, Thủ tướng Chính phủ lam bồ Mpồl kuang bàng ala mat lơgar Việt Nam lòt Pơrjum Kuang bàng dờng màng dà dờng Mekong dunia dơ\ pe đơs ngan bơta sền gròi mờ jơnau hơ pơrgon bơh Việt Nam dê gơwèt tus mờ bơta lơh broă bal tàm ală broă lơh gơwèt Ủy hội dà dờng Mekong, tàm nùs nhơm Hiệp định nam 1995 dê. Jơnau do kung pơgồp bơnah sơlơ tơnguh tai gơnoar broă bơh Ủy hội dê kung bè bơta tam klac, lơh broă bal đah ală lơgar tàm mpồl.

Cau mblàng mờ yal tơngi\t- Lơ Mu K’Yến