VOV4.K’ho- Drim òr, 18/7, tàm Hà Nội bơyai lơh dơ\ pơrjum kuang bàng dờng màng công nghệ thông tin mờ truyền thông Việt Nam nam 2018.

Tus bal dơ\ pơrjum geh ồng Nguyễn Xuân Phúc, Thủ tướng Chính phủ, bal mờ ală kuang bàng ala mat dà lơgar, anih lơh broă dà lơgar, ală tiah mờ ală mpồl lơh broă công nghệ thông tin mờ truyền thông lam bồ lài tàm gùt lơgar. Đơs tàm dơ\ pơrjum, Thủ tướng đơs tờm, broă ngui công nghệ thông tin, công nghệ số lơh gơlik gùng dà broă lơh pa tàm broă lơh atbồ dà lơgar bơh Chính phủ dê là broă lơh niam ngan nàng dong kờl tơnguh GDP uă rlau tai bơh broă lơh gơlik bơta buơn mờ ring bal rlau tai làng bol in, mpồl lơh sa kă bro geh tu\ tơngai buơn nàng bơtàu tơnguh.

Thủ tướng Chính phủ đơs tờm, Chính phủ, ală bộ, gah sơnah lơh broă, ală tiah kờ` pal dùl nùs lơh bal lơh geh cồng nha. Lài ngan pal bơt bơtàu chính phủ điện tử hơ\ sồng tus chính phủ sồ tàm lơgar Việt Nam nàng di pal mờ gùng dà broă lơh mut gơ rờm bal mờ pơgồp bơnah tơnguh uă bơta niam đơng lam bơh chính phủ dê kung bè cồng nha lơh broă lơgar Việt Nam dê sơl.

Cau mblàng K’ Hạnh