VOV4.K’ho- Mho òr (16/10), Thủ tướng Nguyễn Xuân Phúc mờ mpồl kuang bàng dờng màng bơh Chính phủ Việt Nam neh lòt còp bang Hạ Áo, tìp mat lơh broă mờ Thủ hiến bang, mò Johanna Mikl-Leitner.

Tàm dơ\ tìp mat mờ Thủ hiến bang Hạ Áo, Thủ tướng Nguyễn Xuân Phúc tơngo\ nùs nhơm chờ hờp tus còp bang geh bă ù dờng ơnàng ngan rlau jơh tàm khà 9 bang bơh lơgar Áo dê, là dùl tàm ală trung tâm lơh sa, bơta niam chài rơgơi kuơ màng ngan rlau jơh lơgar Áo dê, geh gơnoar broă lơh bơta pràn lơh sa ai tiah đah mat tơngai lik lơgar Áo.

Thủ tướng Nguyễn Xuân Phúc đơs tờm, Việt Nam sùm sền dờng màng bơta g^t gơ\p lơh bơyô bal uă gah mờ lơgar Áo, jờng rơ niam ngan gơnoar broă  bơh bang Hạ Áo dê tàm kờp jơh bơta g^t gơ\p đah lơgar Việt Nam mờ Áo, đơs tờm, Chính phủ Việt Nam lơh geh  niam mờ buơn boài ai ală mpồl lơh sa kă bro bơh lơgar ndai in, tàm hơ\ geh mpồl lơh sa kă bro lơgar Áo mờ bang Hạ Áo bơcri priă mờ lơh sa kă bro jo\ jòng tàm lơgar Việt Nam. 2 lơgar neh dùl nùs ring bal sơlơ tơnguh lơh broă bal đah 2 lơgar tàm ală gah lơh sa, kă bro, bơto bơtê.

Kung dùl ngai bal, Thủ tướng Nguyễn Xuân Phúc neh tus còp mờ bơh bơr tàm hìu bơsram Đại học Khoa học ứng dụng Krems (IMC), dùl tàm ală hìu bơsram Đại học khoa học ứng dụng kơnòm să, nhap nhar bơh lơgar Áo dê; lòt còp Trung tâm kơlôi sơnơng Biomin lơgar Áo. Mho 16/10 (jat jiơ tiah do dê), Thủ tướng Nguyễn Xuân Phúc mờ mpồl kuang bàng dờng màng Chính phủ Việt Nam neh  rê bơh càr lơgar Viên, pơn jat tai tus lơgar Bỉ  nàng tus bal Pơrjum ASEM12, mờ còp ngan ngồn lơgar Bỉ.

Cau mblàng K’ Hạnh