VOV4.K’ho - Pơn jăt tai broă lơh tàm càr Kon Tum, tàm mho ngai òr (05/9), Thủ tướng Nguyễn Xuân Phúc đơng lam dơ\ lơh broă mờ kuang bàng tòm càr Kon Tum.

Ồng Nguyễn Xuân Phúc đơs niam càr Kon Tum neh lơh gơguh uă cồng nha niam bè lơh sa mpồl bơtiàn, gàr niam rài kis lơh sa mpồl bơtiàn, lơh broă bal mờ ală càr geh gùng nhàr dà lơgar bal, broă bơ\t bơtàu Đảng geh gơguh niam.

Càr Kon Tum neh sền gròi, bơsong broă kòn cau, geh broă lơh loh làng, pơgồp bal tàm broă chồl pràn broă tam klăc mờ tơnguh rài kis làng bol. Tơngai tus, ồng Nguyễn Xuân Phúc sồr, càr Kon Tum geh khà làng bol kòn cau uă, den tàng pal lơh jăt niam broă lơh đah kòn cau mờ sền gròi tus rài kis phan bơna bal mờ nùs nhơm làng bol rơlao tai.

Ồng Nguyễn Xuân Phúc sồr geh 4 mpồl tòm tơnguh bơtàu càr Kon Tum dê, hơ\ là tơnguh bơtàu brê kơl jăp, tơnguh cồng nha brê pơgồp bal mờ broă tam phan lơh sơnơm tàm tiah m[ur chi brê; tơnguh bơtàu lơh sa suơn sre công nghệ cao; tàm hơ\ uă ngan là tòm kơnuh sơnơm Ngọc Linh; tơnguh bơtàu broă lơh sa mờ măy mo\k năng lượng mờ lơh sa mờ măy mo\k lơh gơs phan ngui sa; tơnguh bơtàu lơh sa mpồng nhàr dà lơgar mờ nhơl chờ.

Cau mblàng Ndong Brawl